پی ایس ایل 10، بارش کے باعث میچ روک دیا گیا

لاہور قلندرز نے 1 وکٹ پر 90 رنز بنالیے ہیں

ذیشان مہتاب اتوار 4 مئی 2025 20:54

پی ایس ایل 10، بارش کے باعث میچ روک دیا گیا

لاہور (اردو پوائنٹ تازہ ترین اخبار ۔ 4 مئی 2025ء ) پاکستان سپر لیگ (پی ایس ایل) کے دسویں ایڈیشن کے 24ویں میچ میں لاہور قلندرز کی کراچی کنگز کے خلاف بیٹنگ جاری ہے۔ بارش کے باعث میچ روک دیا گیا ہے۔ لاہور قلندرز نے 1 وکٹ پر 90 رنز بنالیے ہیں

لاہور کے قذافی سٹیڈیم میں کھیلے جارہے میچ میں کرچی کنگز کے کپتان ڈیوڈ وارنر نے ٹاس جیتنے کے بعد لاہور قلندرز کو بیٹنگ کی دعوت دی۔

(جاری ہے)

لاہور قلندرز نے ٹیم میں ایک تبدیلی کی ہے، فاسٹ باؤلر ٹام کیرن کی جگہ اسپنر رشاد حسین کو اسکواڈ کا حصہ بنایا گیا ہے۔

کراچی کنگز نے ٹیم میں دو تبدیلیاں کی ہیں، فواد علی کی جگہ حسن علی اور عمیر یوسف کی جگہ سعد کو اسکواڈ میں شامل کیا گیا ہے۔

واضح رہے کہ پوائنٹس ٹیبل پر لاہور قلندرز 9 پوائنٹس کے ساتھ تیسرے اور کراچی کنگز 8 پوائنٹس کے ساتھ چوتھے نمبر پر موجود ہے۔

وقت اشاعت : 04/05/2025 - 20:54:52