بابر اعظم کی کور ڈرائیو کے چرچے ورلڈ ٹیسٹ چیمپئن شپ فائنل میں بھی گونجنے لگے

کمنٹیٹر کا بابر سے متعلق تبصرہ سوشل میڈیا پر وائرل

ذیشان مہتاب جمعہ 13 جون 2025 11:52

بابر اعظم کی کور ڈرائیو کے چرچے ورلڈ ٹیسٹ چیمپئن شپ فائنل میں بھی گونجنے لگے

لاہور (اردو پوائنٹ تازہ ترین اخبار ۔ 13 جون 2025ء ) قومی ٹیم کے سابق کپتان بابر اعظم کی کور ڈرائیو کے چرچے آئی سی سی ورلڈ ٹیسٹ چیمپئن شپ فائنل میں بھی گونجنے لگے۔

لارڈز کے تاریخی کرکٹ گراؤنڈ میں کھیلے جا رہے ورلڈ ٹیسٹ چیمپئن شپ کے فائنل میں جنوبی افریقا اور آسٹریلیا کی ٹیمیں مدمقابل ہیں اور معرکہ دلچسپ مرحلے میں داخل ہوچکا ہے۔

ہائی پروفائل میچ کے دوران انگلش کمنٹیٹر ناصر حسین نے آسٹریلوی بیٹر مارنس لیبوشن اور جنوبی افریقی بیٹر ریان رکلٹن کے آؤٹ ہونے کے پیچھے تکنیکی خامیوں کا ذکر کرتے ہوئے کہا کہ دونوں پلئیرز نے ایک ہی شاٹ کھیلتے ہوئے اپنی وکٹیں گنوائیں۔

ناصر حسین نے کہا کہ ٹھیک ہے، کور ڈرائیور آنکھوں کیلئے پرسکون شاٹ ہے، ویرات کوہلی، بابر اعظم کا خیال آتا ہے۔

(جاری ہے)

انہوں نے جنوبی افریقی کپتان ٹیمبا باوما کی مثال دی کہ شاٹ کھیلتے وقت ان کے ہینڈ آئی کوارڈینشن بلکل درست تھا لیکن لیبوشن اور رکیلٹن میں اس کی کمی دیکھائی دی۔

خیال رہے کہ سابق انگلش کرکٹر و کمنٹیٹر ناصر حسین غیر معمولی طور پر بابر اعظم کی کور ڈرائیو کے بڑے مداح رہے ہیں، انہوں نے 2022ء میں کہا تھا کہ بچوں کو سکھانے کیلئے پاکستان کے سابق کپتان کا ٹریڈ مارک شاٹ استعمال کریں گے۔

وقت اشاعت : 13/06/2025 - 11:52:23