محمد یوسف بیٹنگ کوچ کے عہدے سے مستعفی ہوگئے

سابق ٹیسٹ کرکٹر نیشنل ہائی پرفارمنس سینٹر میں بیٹنگ کوچ کا عہدہ رکھتے تھے، انکو انڈر 19 ٹیم کے ہیڈکوچ کی ذمہ داریاں بھی دی گئیں تھیں

ذیشان مہتاب جمعہ 13 جون 2025 12:43

محمد یوسف بیٹنگ کوچ کے عہدے سے مستعفی ہوگئے

لاہور (اردو پوائنٹ تازہ ترین اخبار ۔ 13 جون 2025ء ) نیشنل کرکٹ اکیڈمی کے بیٹنگ کوچ محمد یوسف نے اپنے عہدے سے استعفیٰ دے دیا۔

اے آر وائی نیوز کے مطابق ذرائع کا کہنا ہے کہ محمد یوسف نے اپنا استعفیٰ پاکستان کرکٹ بورڈ کو بھجوا دیا ہے۔

50 سالہ محمد یوسف کا کہنا ہے کہ وہ نجی مصروفیات کی وجہ سے مزید وقت نہیں دے سکتے۔

سابق ٹیسٹ کرکٹر نیشنل ہائی پرفارمنس سینٹر میں بیٹنگ کوچ کا عہدہ رکھتے تھے۔

ان کو انڈر 19 ٹیم کے ہیڈکوچ کی ذمہ داریاں بھی دی گئیں تھیں۔

(جاری ہے)

وہ پاکستان ٹیم کے ساتھ بطور بیٹنگ کوچ بھی کام کرتے رہے۔

نئے سیٹ اپ میں بھی ان سے ہائی پرفارمنس سینٹر میں بیٹنگ کوچ کے طور پر کام لینے کی پلاننگ کی گئی تھی مگر انہوں نے مزید کام کرنے سے معذرت کرتے ہوئے مستعفی ہونے کا فیصلہ کیا ہے۔

واضح رہے کہ گزشتہ برس نومبر میں بھی انہوں نے استعفیٰ دیا تھا مگر بورڈ سربراہ محسن نقوی نے اسے منظور نہیں کیا تھا اب ایک بار پھر محمد یوسف نے اپنا استعفیٰ بورڈ کو بھیج دیا ہے۔

وقت اشاعت : 13/06/2025 - 12:43:20