قومی کرکٹ ٹیم کا دوسرا دستہ ویسٹ انڈیز کے خلاف ٹی 20 سیریز کھیلنے کے لیے روانہ

ڈھاکہ (اُردو پوائنٹ اخبارتازہ ترین - اے پی پی۔ 26 جولائی2025ء) ویسٹ انڈیز کے خلاف ٹی 20 سیریز کھیلنے کے لیے قومی سکواڈ کا دوسرا دستہ ڈھاکہ سے براستہ دبئی لاڈرہل (امریکہ) کے لیے روانہ ہو گیا ہے۔

(جاری ہے)

پی سی بی کے مطابق اس گروپ میں محمد حارث، حسین طلعت، حسن نواز، سفیان مقیم، صاحبزادہ فرحان، کوچز اور سپورٹ اسٹاف شامل ہیں۔ قومی ٹیم ویسٹ انڈیز کے خلاف تین ٹی 20 میچز پر مشتمل سیریز کھیلے گی جس کا آغاز 31 جولائی کو لاڈرہل میں پہلے میچ سے ہو گا۔ واضح رہے کہ ٹیم کے پہلے گروپ کے کھلاڑی پہلے ہی لاڈرہل پہنچ چکے ہیں جبکہ دوسرا گروپ اب ٹیم کو جوائن کرے گا۔