پی ایس بی کی سپورٹس فیڈریشنز کے معاملات میں بیجامداخلت، اولمپک موومنٹ کی ساکھ دا ؤپر لگ گئی

اسلام آباد (اُردو پوائنٹ اخبارتازہ ترین - آن لائن۔ 07 اگست2025ء) پاکستان سپورٹس بورڈکے کھیلوں کی فیڈریشنز کے انتظامی معاملات میں بیجامداخلت پرپاکستان کی اولمپک موومنٹ کی ساکھ داؤ پر لگ گئی جس پر پاکستان اولمپک ایسوسی ایشن نے جنرل کونسل اور ایگزیکٹو کمیٹی کے ہنگامی اجلاس طلب کرلئے۔ تفصیلات کے مطابق پی اواے نے ایگزیکٹو کمیٹی کا اہم اجلاس آٹھ اگست اور جنرل کونسل کا اہم اجلاس بھی نو اگست کو طلب کیا ہے۔

پی او اے صدر عارف سعید اجلاس کی صدارت کریں گے جس میں اولمپک موومنٹ کی خودمختاری کو درپیش خطرات اور پاکستان سپورٹس بورڈ سمیت حکومتی مداخلت سے بچا پر تفصیلی غور ہوگا۔ پی ایس بی کی بے جا مداخلت مداخلت پرسپورٹس فیڈریشنز کو شدید تحفظات ہیں، پاکستان سپورٹس بورڈ نے متعدد فیڈریشنزکو نوٹسز بھی جاری کررکھے ہیں جبکہ پی ایس بی کی جانب سے الیکشن کمیشن اور تنازعات کے حل کے لیے ٹریبیونل کے قیام نے اولمپک اصولوں کے برعکس خطرے کی گھنٹی بجا دی ہے۔

(جاری ہے)

اجلاس میں یوتھ گیمز، نیشنل گیمز کی تیاریوں کا جا ئزہ لینے سمیت ساوتھ ایشین گیمز کے انعقاد پر ہونیوالی پیشرفت پربھی غور ہوگا۔ واضح رہے کہ انٹرنیشنل اولمپک کمیٹی اور ایشین اولمپک کونسل کی ہدایات واضح ہدایات ہے کہ قومی اولمپک کمیٹیوں اور کھیلوں کی فیڈریشنز کو اپنی سرگرمیاں آزادانہ طور پر انجام دینا لازمی ہے جس میں کسی قسم کی حکومتی مداخلت نہیں ہونی چاہیے۔