شاہد خان میموریل فٹ بال ٹورنامنٹ میں ینگ مسلم کلب اور الحمرا کلب کے درمیان میچ (کل) کھیلا جائے گا

اسلام آباد (اُردو پوائنٹ اخبارتازہ ترین - اے پی پی۔ 05 مئی2026ء) ڈسٹرکٹ فٹ بال ایسوسی ایشن راولپنڈی کے زیر اہتمام تیسرے شاہد خان میموریل فٹ بال ٹورنامنٹ میں ینگ مسلم کلب اور الحمرا کلب کے درمیان میچ (کل) بدھ کو میونسپل سٹیڈیم راولپنڈی میں کھیلا جائے گا۔ ڈسٹرکٹ فٹ بال ایسوسی ایشن راولپنڈی کے صدر و رکن کانگریس پاکستان فٹ بال فیڈریشن راجہ محمد اشتیاق نے بتایا کہ ٹورنامنٹ میں سولہ بہترین ٹیمیں حصہ لے رہی ہیں جن کو چار گروپوں میں تقسیم کیا گیا ہے۔

(جاری ہے)

گروپ اے میں نشتر کلب، یو ایس جی سی کلب، ریگل کلب اور مورگاہ کلب شامل ہیں جبکہ گروپ بی میں زمیندار کلب، ینگ مین کلب، ینگ مسلم کلب اور الحمرا کلب کو رکھا گیا ہے۔ گروپ سی میں المسلم کلب، گلیڈی ایٹر کلب،پاک شاہین کلب اور پنڈی یونائیٹڈ کلب جبکہ گروپ ڈی میں چکلالہ کلب، مسلم کلب، ینگ سٹار کلب اور ینگ برادرز کلب کی ٹیمیں شامل ہیں۔ ٹورنامنٹ پی ایف ایف رولز کے مطابق ناک آؤٹ سسٹم پر کھیلا جائے گا۔ ٹورنامنٹ کا سیمی فائنل 18 اور 19 مئی کو کھیلا جائے گا اور فائنل میچ 20 مئی کو کھیلا جائے گا۔