میجر لیگ کرکٹ کیلئےاین او سی فیس کی وصولی ، پی سی بی کی وضاحت آگئی

آئی سی سی ضوابط کے مطابق پرائیویٹ لیگز میں بین الاقوامی کرکٹرز کی شرکت پر متعلقہ کرکٹ بورڈ فیس وصول کرسکتا ہے : ذرائع

ذیشان مہتاب بدھ 15 جولائی 2026 14:59

میجر لیگ کرکٹ کیلئےاین او سی فیس کی وصولی ، پی سی بی کی وضاحت آگئی

لاہور (اردو پوائنٹ تازہ ترین اخبار ۔ 15 جولائی 2026ء ) میجرلیگ کرکٹ کے لیے فی کھلاڑی این او سی فیس کی وصولی سے متعلق پی سی بی کی وضاحت سامنے آگئی۔

ذرائع کا کہنا ہے کہ میجر لیگ کرکٹ پرائیویٹ لیگ ہے جو امریکن کرکٹ انٹرپرائزز کے زیر اہتمام کھیلی جاتی ہے ، آئی سی سی ضوابط کے مطابق پرائیویٹ لیگز میں بین الاقوامی کرکٹرز کی شرکت پر متعلقہ کرکٹ بورڈ فیس وصول کرسکتا ہے۔

میجر لیگ کرکٹ پچھلے چار سال سے کھلاڑیوں کے این او سی کی مد میں مقررہ فیس ادا کر رہی ہے، پی سی بی سمیت دیگر فل ممبر بورڈز بھی پرائیویٹ لیگ کیلئے این او سی فیس وصول کرتے ہیں۔

یاد رہے کہ نجی ویب سائٹ نے ایم ایل سی میں فی کھلاڑی 25 ہزار ڈالر این او سی فیس وصول کرنے کی خبر شائع کی تھی۔

(جاری ہے)

میجر لیگ کرکٹ امریکا کی ٹی ٹوئنٹی لیگ ہے جس کا پہلا سیزن 2023 میں کھیلا گیا تھا۔

سمیر مہتا اور وجے سرینواسن نے جنوری 2019ء میں میجر لیگ کرکٹ کی بنیاد رکھی جو کہ شمالی امریکا کے سب سے بڑے کرکٹ براڈکاسٹر ویلو ٹی وی کے بھی بانی ہیں۔

کرک انفو کے مطابق اس لیگ کو انڈیا کے ٹائمز گروپ کے علاوہ ٹیکنالوجی کمپنی مائیکرو سافٹ کے سی ای او ستیا نادیلا اور ایڈوبی کے سی ای او شنتانو ناریان کی سرمایا کاری بھی حاصل ہے۔

میجر لیگ کرکٹ کی چھ میں سے چار ٹیموں کے مالک آئی پی ایل کی فرنچائزز ہیں۔ اس میں شاداب خان، حارث رؤف اور عماد وسیم جیسے پاکستانی کرکٹرز نے بھی حصہ لیا۔

وقت اشاعت : 15/07/2026 - 14:59:39