دوسری نیشنل پیکل بال چیمپئن شپ 29 اگست سے کراچی میں شروع ہو گی

اسلام آباد (اُردو پوائنٹ اخبارتازہ ترین - این این آئی۔ 17 اگست2026ء) پاکستان پیکل فیڈریشن کے زیر اہتمام اور سندھ اولمپک ایسوسی ایشن کے تعاون سے دوسری نیشنل پیکل بال چیمپئن شپ 29 اگست سے منی سپورٹس کمپلیکس، ناظم آباد، کراچی میں شروع ہو گی۔ان خیالات کا اظہار پاکستان پیکل فیڈریشن کے سیکرٹری جنرل فیصل ظفر نے بتایا کہ چیمپئن شپ کی تیاریاں شروع کردی گئی ہیں اور چیمپئن شپ میں ملک بھر سے کھلاڑی حصہ لے رہے ہیں۔

(جاری ہے)

چیمپئن شپ میں تین کیٹگریز کے مقابلے رکھے گئے ہیں جن میں مینز ڈبلز، ویمنز ڈبلز اور مکسڈ ڈبلز کے ایونٹ شامل ہیں۔ چیمپئن شپ میں شرکت کی خواہش رکھنے والے کھلاڑی اپنے اپنے ناموں کی رجسٹریشن 23 اگست تک 03013318777 اور ای میل [email protected] کے ذریعے کروا سکتے ہیں چیمپئن شپ میں فائنل مقابلے 30 اگست کو کھیلے جائیں گے جن کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔