اسلامی جمہوریہ پاکستان کے نظریہ کے خلاف سازش

پاکستان کا مطلب کیا لاالااللہ کی بنیاد پر معرض وجود میں آیا اور پاکستان کا نام ہے اسلامی جمہوریہ پاکستان ۔۔۔ پاکستان رائج قوانین کو اسلام کی روح کے مطابق بنایا گیا ہے اورکوشش کی گئی ہے کہ ہمارے ملک کا نظام اسلام کے حکم سے متصادم نہ ہو انٹرنشنل پورپین لابی سازش کے تحت اسلامی تعلیمات اور اسلامی نظریہ پر حملہ آور ہوچکی ہے اور موجودہ ترمیم جو کاغذات نامزدگی میں کی گئی ہے یہ ایک ٹیسٹر ہے تاکہ ری ایکشن دیکھا جائے ۔

۔ امریکہ ۔ اسرائیل سمیت پورا یورپ مسلمانوں کے جذبہ جہاد سے خوفزدہ ہے اور وہ اس ایجنڈے پر سعودی عرب پاکستان سمیت تمام مسلم ممالک میں اپنے پالتو حکمرانو، این جی اوز کے ذریعہ ہماری اسلامی تعلیمات کو تبدیل کرنے اورجذبہ جہاد کو ختم کرنے کا پلان بنا چکے ہیں یورپ کی کوشش ہے کہ ہماری آنے والی نسلوں کواسلامی سیکولر تعلیم دی جائے ۔

(جاری ہے)

۔۔ یورپ کو معلوم ہے پاکستانی فوج کی اصل طاقت جذبہ جہاد اور شہادت ہے جب تک یہ نظریہ شہادت اورپاکسانی عوام کی فوج سے محبت ختم نہیں کریں گے ہم پاکستانی فوج کو کمزور نہیں کر سکتے ۔

۔۔۔۔۔۔۔۔۔ فوج کے خلاف موجودہ بھر پور کمپین جس کے ذریعے فوج کو عوام کی نظروں میں متنازعہ بنایا جا رہا ہے چند جرنیلوں کی غلطیوں کو جواز بنا کر ن لیگ پورے ادارے پر حملہ آور ہو چکی ہے ن لیگ اس انٹر نیشنل سازش کے تحت دو بڑے مقاصد حاصل کرنے کی کوشش کر رہی ہے ،سویلین بالادستی جسکا میں بھی حامی ہوں لیکن کرپشن سے پاک سویلین بالادستی ، دوسرا فوج کو کمزور کرنا اور ملک میں اسلامی قوانین کا خاتمہ ہے تاکہ اپنے غیرملکی آقاوں کی خوشنودی حاصل کی جا سکے ۔

۔۔۔ یہ خطرناک کھیل اگر کامیاب ہوگیا تو ملک کی سالمیت کو شدید خطرات لاحق ہوجاہیں گے ملک کی سالمیت فوج کی بقا اور وقار کے ساتھ جڑی ہوئی ہے ۔۔ فوجی جرنیلوں کو بھی اپنی پالیسی پر نظر ثانی کرنی چاہیے اور ادارے کے وقار اور جوانوں کے جذبے کو ملک کی سرحدوں اور دشمن کے عزائم کو خاک میں ملانے پر استعمال کریں ماضی کی طرح ملک میں حکومتیں بنانے ، گرانے اور جمہوریت کا بستر گول کرنے والی پالیسی کا اب وقت گذر چکا ۔

۔ اب ایک سازش کے تحت ن لیگ کی حکومت نے ممبر اسمبلی کے کاغذات سے ختم نبوت ﷺ پر ایمان کا حلف لینے کا حلف نامہ تبدیل کردینا مندرجہ بالا سازش کی ہی کڑی ہے جس کا مقصد ملک میں اسلامی قوانین کے خاتمے کا آغاز ہے۔۔۔۔۔۔۔۔۔۔۔۔۔۔۔۔۔۔۔۔قائد جمہوریت ذوالفقار علی بھٹوکے دور حکومت میں قادیانیوں کو اقلیت قرار دینے کا ایشو کھڑا ہوا تو قومی اسمبلی میں مسلسل 13 روز تک روزانہ 8 گھنٹے قادیانی لیڈران سے مناظرہ اور سوال جواب ہوتے رہے اور اس دوران قومی اسمبلی کا کورم ہمیشہ فل ہوتا تھا، تمام اراکین اسمبلی، خواہ ان کا تعلق پیپلزپارٹی جیسی لبرل جماعت سے تھا یا دینی جماعتوں کے کٹر مذہبی لوگ، سب کے سب اس 13 روزہ کاروائی میں مسلسل شریک ہوئے تاکہ قادیانی ایشو کو ہمیشہ ہمیشہ کیلئے انجام تک پہنچایا جائے۔

قادیانی لیڈر سے سوال جواب کی ذمے داری مولانا مفتی محمود کو سونپی گئی تمام بحث کے بعد مفتی محمود نے اس بات پر اس جھوٹے قادیانی کو پکڑلیا کہ مرزا قادیانی کے بعد تم لوگوں کا کوئی اور نبی آئے گا؟
جب مرزا ناصر نےجواب نفی میں دیا تو مفتی محمود نے تاریخی جملہ ادا کیا کہ مسلمانوں کے عقیدے میں اور تمہارے عقیدے میں بس یہی ایک چیز مشترک ہے، ہمارے نبی محمد ﷺ بھی آخری نبی تھے اور تمہارے مذہب میں تمہارا مرزا قادیانی بھی آخری نبی ہے۔

اس کے بعد مرزا ناصر کے پاؤں پھسلتے گئے اور ایک وقت ایسا بھی آیا جب وہ کسی بھی سوال کا جواب دینے سے قاصر ہوگیا۔ پھر اسمبلی نے متفقہ طور پر قادیانیوں کو غیرمسلم قرار دے ڈالا۔ قادیانیوں کو آئین میں اقلیت لکھنے پراختلاف کرتے ہوئے بھٹو کے وزیر قانون حفیظ الدین پیرزادہ نے اپنی طرف سے بڑی شاندار دلیل پیش کی کہ آپ لوگ کیوں قادیانیوں کا نام درج کرکے آئین کو پلید کرنا چاہتے ہیں؟سامنے مفتی محمود تھا، اس نے فوراً جوابی نکتہ پیش کیا کہ کیا قرآن میں شیطان اور فرعون کا ذکر اسے پلید کردیتا ہے؟ پیرزادہ لاجواب ہوگیا اور پھر قادیانیوں کا نام بھی دوسری اقلیتوں کے ساتھ ہر شق میں بطور اقلیت شامل کردیا گیا۔

آج اس قانون کی شکل کو بگاڑنے میں مفتی محمود کے بیٹے کی جماعت بھی شامل ہے ، افسوس صد افسوس ہمارے مسلمان حکمران اپنے مفاد کے لیے نظریہ پاکستان اور اسلامی قوانین کو ختم کرنے کے در پہ ہیں