علی وزیر با مقابلہ احسان اللہ احسان

سانحہ آرمی پبلک سکول پشاور اتنا دل سوز تھا کہ ہر آنکھ اشک بار تھی اور ہر دل خون کے آنسوں رو رہا تھا ہر ماں اس دکھ کو اپنا دکھ محسوس کر رہی تھی کہیں ملکی سکیورٹی اداروں پر کہیں سوال بھی اٹھے کہیں جان پر کھیل کر بر وقت کارروائی کرنے پر ان کو سراہا بھی گیا مختصر یہ کہ ہر دل غمگیں تھا اور بدلے کی آگ میں جل رہا تھا اس وقت ہر پاکستانی مرد و زن کی نظر پاک فوج پر لگی تھی جو کہ ملک میں سب سے مقدس ادارہ مانا جاتا ہے پاک فوج نے عوام کی جذبات کا احترام کرتے ہوئے زبردست آپریشن کرتے ہوئے اس واقعے کے مرکزی ملزم احسان اللہ احسان کو پکڑ لیا اور عوام جو کہ پہلے سے ہی اس مقدس ادارے کا احترام کرتے تھے اس محبت و احترام میں مزید اضافہ ہوا اس خونی درندے کو ملک کے حقیقی محافظوں نے اپنی حراست میں ہی رکھا جو کہ سب سے محفوظ سمجھی جاتی ہے پھر اچانک کہانی نے کروٹ لی جیسے ہی وقت کے ساتھ ساتھ لوگوں کا غم و غصہ ٹھنڈا ہوا میاں احسان صاحب نے ترکی سے منہ دیکھایا اب لوگوں کا شدید غصہ حیرت میں تبدیل تھا بہت سارے سوالات غدار قرار دیے جانے کے ڈر سے حلق میں ہی دم توڑ جاتے
اب تصویر کا دوسرا رخ دیکھتے ہیں پاکستان کی سیاسی تاریخ میں شاہد ہی کو کردار دیکھا گیا ہو جو اس حکومتی ایوان میں آ کر اس کے رنگ میں نہ رنگا ہو ایک جھونپڑی سے انے والا مہنگی گاڑیوں کوٹھیوں اور مربعوں کا مالک بنتے دیکھا خوشامد کے پل باندھ کر وزارتیں حاصل کرتے دیکھا لیکن ان میں ایک کردار ایسا بھی ہے میں جسے پاگل نہ لکھوں تو اور کیا لکھوں جو اس عہد کے اندر سچ کو سچ کو سچ کہنے کی جسارت کرتا ہے اب ایسی بھی کیا مجبوری کہ بندہ جھوٹ کو جھوٹ ہی کہنا شروع کر دے وہ کردار ہے علی وزیر جو اپنے پورے خاندان کو اس ریاستی جبر کی نظر کر چکا ہے جن کے لیے وہ کھڑا رہا تن تنہا لڑتا رہا ان لوگوں نے اسے اپنی آواز بنا کر ریاستی ایوانوں تک پہنچایا لیکن یہ ایوان غریب محنت کشوں کی آواز سننے کے لیے کہاں بنائے گے یہ تو محض حکمرانوں کے درمیان وسائل کی تقسیم کا ذریعہ ہے
آج علی وزیر اپنا حق مانگنے پر پابند سلاسل ہے جہاں وہ طرح طرح کی اذیتیں برداشت کر رہا ہے دوسری طرف ملک و قوم کا مجرم احسان اللہ احسان آزادی کے ساتھ عیش و عشرت کی زندگی بسر کر رہا ایک سوال اپ سب کے لیے چھوڑتا جا رہا ہوں کہ آپ کس کے ساتھ کھڑے ہیں حق کے ساتھ یا ظلم کے ساتھ؟؟۔