ایک اور فیصلہ‎

ایک تو ہم فیصلوں کے بڑے ستائے ہوئے ہیں اور فیصلوں سے ہم کو ہمیشہ ہی اختلاف رہا ہے انہی فیصلوں کے درمیان ایک فیصلہ آگیا حنیف عباسی کی رہائ کی نوید کا فیصلہ اور یہ وہ فیصلہ جو فیصلوں کے بیچ مسلم لیگ نواز کے حامیوں کیلئے آمد یار کی نوید بن کر آیا دوسری طرف تحریک انصاف کے رفقاء کیلئے شب فراق کی تلخی لے کر آیا رہی بات ہماری تو حنیف عباسی والے مقدمہ کو ہم نے ہمیشہ جعلی اور سیاسی انتقام قرار دیا جس کا مقصد ایک سیاسی جماعت کو فائدہ اور دوسری کو نقصان پہنچانا تھا کیونکہ انتخابات قریب تھے
ایک جج محترم نے رات کے بارہ بجے فیصلہ کرکے انصاف کے بارہ بجا دیئے تھے خیر پاکستان کی تاریخ ایسے مقدمات، مقدمات کے فیض اور بے فیضے فیصلوں سے فیضان پانے والے بے فیضے لوگوں سے بھری پڑی ہے، یہ کونسا پہلا مذاق جو ہمارے ساتھ کیا گیا ؛ دکھ اس بات کا ہے کہ بنا حقائق کو جانے ایک قوم بھنگڑے ڈالنے میں مصروف تھی، پاکستان میں ہمیشہ فیصلے قائد اعظم کی تصویر سے ہوتے آئے آہ، مولوی مشتاق پیدا ہوتے رہے گے، ایک خاص سیاسی جماعت کے حق میں فیصلہ آجائے تو اسکا کارکن اس بات سے درکنار کے اس کے گھر کا چولہا کیسے جلتا ہے، اسکی ذاتی زندگی کتنی کٹھن خوشی کے شادیانے بجانا شروع کر دیتا اور دوسرا فریق سر پیٹنے لگتا،
وہ وقت کب آیگا جب ہم یہ سوچ سکنے کے ہی قابل ہوجائیں کہ ہم نے کیا کھویا ہم نے کیا پایا، وقت اور حالات کی چکی میں ہم نے پس کر کیا حاصل کیا، افلاس ہی ہمارا مقدر کیوں ہے، یہ حسین کھیت پٹھا پڑتا ہے جو بن جنکا کس لئے ان میں فقط بھوک اگا کرتی ہے؟
اب اس اندھیری شب کا خاتمہ ہونا چاہیے، کب تک ہم جھوٹ کے پیچھے سچ سمجھ کر سر ٹکراتے رہے گے_ وہ غدار یہ غدار وہ کافر یہ کافر کا راگ الاپتے ریے گے، سیاست کی پریت میں ہماری سودھ بودھ کھو دیتے ہیں، دکھ یہ نہیں کہ ہمارے ساتھ غلط کیا اسکا غم ہے کہ ہم نے درست سمجھا، اب جب فیصلہ آ چکا اور حقیقت کھل چکی تو دوسری سیاسی جماعت شادیانے بجا رہی عجب بندر بانٹ ہے اور ٹرک کی بتی جس کے پیچھے ہم لگے ہوئے اور جانے کب تک لگنا ہے، جب کہ حقیقت کو نہ تو ہم نے سمجھا اور نا ہی سمجھنے کی کوشش کی، اور ہمارے اس حال کے مجرم ہم پر ہنستے رہے اور ہنس رہے ہیں جبکہ ہم انہیں کی خاطر آپس میں لڑ رہے ہیں...