تھرڈ کلاسیے ایکٹرز

آج کافی دنوں کے بعد جوں ہی میں نےاپنی فیس بک آئی ڈی لاگ ان کی تو سامنے ایک پیج پر کچھ اس طرح کی پوسٹ چمکتی نظر آئی ہم مشہور ٹک ٹاکر جنت مرزا کو نوبل پرائز ملنے پر مبارکباد پیش کرتے ہیں جوں ہی سکرول ڈاؤن کیا نیچے ایک اور پوسٹ کچھ اس طرز کی دیکھنے میں آئی جنت مرزا کو پندرہ ملین فالورز مکمل ہونے پر ڈھیرو ڈھیرمبارکباد میں نے سوچا کیوں نا کچھ دلخراش پہلوؤں پر نظر دوڑائی جائے اورانھیں قلم بند کیا جائے
ایک دفعہ میں نے اپنے والد گرامی سے پوچھا کہ بابا جانی یہ آجکل جسے دیکھو وہی لپسنگ کر کے کچھ ڈانس وانس کر کے لچک مٹک کے کریم پوڈر لگا کے کلپس بنانے میں لگا ہوا ہے اور نہ صرف بنا رہا ہےبلکہ انھیں زور و شور سے سوشل میڈیا پربھی ڈال رہا ہے جن میں لڑکیاں تو سر فہرست ہیں ہی لڑکے بھی اس خیر کے کام میں پیچھےنہیں ہیں اس پر آپ کیا کہنا چاہیں گے
باباکہنے لگے بیٹا افسوس کے ساتھ کہناپڑرہا ہے کہ ہماری آئندہ نسل میں جابر بن حیان نہیں بلکہ شکیرا اور سلمان خان پیدا ہوں گے یعنی ہمارا فیوچر خطرے میں ہے
کیونکہ ان نام نہاد ماڈلز کی پلک جھپکتے ملتی شہرت کو دیکھ کر چھوٹے چھوٹے بچوں نےبھی اپنا ذہن اس بات پر سیٹ کر لیاہے کہ پڑھائی میں کچھ نہیں رکھا بس ایک اچھی کوالٹی رکھنےوالا موبائل لو جسکا رزلٹ اچھا ہو کلپس بناؤ اور چھا جاؤ نہ تم سےیہ پوچھا جائے گا آیا کہ تم کتنا پڑھے ہو نہ یہ پوچھا جائے گا کہ تمہارے پاس کونسی ڈگری ہے نہیں بلکہ پل بھر میں تمہیں خاک سے اٹھا کر فلک پر بٹھا دیا جائے گا
مجھے حیرت ہوتی ہے اپنی عوام کو دیکھ کر کہ ایک دو ٹکے کی لڑکی/لڑکا ایسی لائنز کی لپسنگ کر رہے ہیں جن لائنز کا رائٹرکوئی اور اسکو گانے والا کوئی اور ہےبس تھوڑی دیر لپسنگ کرنے کا اتنا کریڈٹ کہ اسے اٹھا کر سیدھا ڈراموں اور فلموں میں رول دےدیا گیا؟؟؟
کیا ہماری ججمنٹ کا معیار اس قدر گر چکا ہے کہ ہم نے شکل کو عقل پر فوقیت دے کر اپنی قوم کا بیڑا غرق کردیا ہے کیا ہوس پرستی نے ہمارے ذہن کو اسقدر جکڑ لیا ہے کہ ایک میک اپ کیئے ہوئے لڑکی کو اسکی عارضی خوبصورتی کی وجہ سے ملینز ویوز دیئے جا رہے ہیں؟
یہ ویوز دراصل اسکے منہ سے نکلے کاپی شدہ بولوں کو نہیں بلکہ اسکی حسن و شباہت کو ملتے ہیں یہ ویوز پتلی کمر سے نکلتے ٹھمکوں اور جسم کی بناوٹ میں آئے نشیب و فراز کو ملتے ہیں
میں یہاں آئی تمام تر کلپس کہ خلاف بھی نہیں ہوں بلکہ انھیں سپورٹ کرتا ہوں جنکا کوئی اپنا کنٹنٹ ہے اپنا مواد لاتے ہیں ان کے حق میں بولتا ہوں لیکن کسی دوسرے رائٹرز کی لکھی لائن کو کولپسنگ کرنا یہ کہاں کا کنٹنٹ ہوا بھئی؟؟؟ بلکہ یہ تو کاپی رائٹس میں بات آ جاتی ہے
نام نہاد فیسبکی دانشوروں کی لکھی تھرڈ کلاس شاعری اور مقولوں کو لپس کر دیا کہ لو بھئی ٹھرکی عوام دیکھو اور مزے لو
بھئی اپنا خود کا کنٹنٹ لاؤ تب مانیں کہ ہاں تم میں کچھ بات ہے یہ حقدار ہے فیمسٹی کا اسکا بنتا ہے اسکے اندر گن ہیں کہ یہ ایکٹر رائٹر بن سکتا ہے اوپر تک جا سکتا ہے
اصل میں یہاں قصور عوام کا بھی نہیں بلکہ ہمارے مارننگ شوز کا بھی ہے جو ڈیلی بیسز پر اپنا شو چلانے انکی ٹی۔

(جاری ہے)

آر۔پیز بڑھانےکے لئے روز ایسے نام نہاد ماڈلز اور ایکٹرز کو اپنے شوز میں مدعو کرتے ہیں۔
شاید میری لکھی باتیں پڑھ کر لوگوں کی دم میں آگ بھی لگ جائے لیکن کہتے ہیں نا سچ ہمیشہ کڑوا ہوتا ہے۔