سیدعلی گیلانی کی طرف سے بلال احمد گنائی کے قتل کی شدید مذمت
بارہویں جماعت کے مقابلے کے امتحان میں شاندار کامیابی پر اسماء شبیر کو زبردست مبارک باد پیش کی
منگل 29 مئی 2018 12:53
(جاری ہے)
سیدعلی گیلانی کی ہدایت پر حریت رہنماء بشیر احمد اندرابی نے پلوامہ جاکر شہید نوجوان کی نماز جنازہ میں شرکت کی اور اس موقع پر ایک عوامی ریلی سے خطاب بھی کیا۔
انہوںنے کہاکہ مقبوضہ علاقے کے اطراف واکناف میں بھارتی قابض انتظامیہ اخوانی طرز کے نامعلوم بندوق برداروں کی پشت پناہی کرتے ہوئے ہماری مقدس تحریک آزادی کو خانہ جنگی میں تبدیل کرنے کے منصوبوں پر عمل کررہی ہے ۔انہوںنے غیور کشمیری عوام سے اپیل کی کہ وہ موجودہ صورتحال میں تحریک دشمنوں کے مکروہ عزائم سے خبردار رہتے ہوئے ان کے ناپاک عزائم کو ناکام بنانے کی ہر ممکن کوشش کریں۔ حریت چیئرمین نے کہا کہ بھارت حریت پسند عوام کی صفوں میں انتشار پھیلانے اور عوام کو اپنی مقدس تحریک سے بدظن کرنے کے تمام سامراجی حربے آزما رہا ہے، لیکن انہیں آج تک ناکامی کے سوا کچھ حاصل نہ ہوا۔انہوںنے نئی دلی کی تہار جیل میں غیر قانونی طورپر نظربند سینئر حریت رہنماء شبیر احمد شاہ کی دختر کی بارہویںجماعت کے امتحانات میں شاندار کامیابی پر مبارکباد دیتے ہوئے کہا کہ ہماری اس بیٹی نے اپنے والد کی غیر قانونی نظربندی اورمتعددقسم کی مشکلات اور ذہنی دباؤ کا مردانہ وار مقابلہ کرتے ہوئے بارہویں جماعت کے مسابقتی امتحان میں اول پوزیشن حاصل کرکے اپنی مظلوم قوم کے نونہال طلباء کیلئے ایک مثال قائم کی ہے اور پوری قوم کو ایسی بیٹی پر فخر ہے۔انہوںنے ٹیلی فون پر اسماء شبیرکومبارک باد پیش کی اور حریت کانفرنس کی مجلس شوریٰ کے ارکان بشمول حکیم عبدالرشید، سید محمد شفیع اور امتیاز احمد شاہ پر مشتمل ایک اعلیٰ سطح کے وفد کو شبیر احمد شاہ کی رہائش گاہ بھیجا ۔ ادھر تحریک حریت جموںو کشمیر نے ناڑوہ پلوامہ میںبھارتی فوجیوںکی طرف سے ایک عام شہری بلال احمد گنائی کے بہیمانہ قتل کی شدیدمذمت کرتے ہوئے کہاہے کہ بلال گنائی کو بھارتی فورسز نے اس وقت گولی مار کر شہید کردیا جب وہ شام کو کام سے واپس گھر جارہاتھا۔ تحریک حریت کے چیئرمین محمد اشرف صحرائی کی ہدایت پر غلام محمد ہرہ نے ناڑوہ کاکپورہ جاکر شہید کو زبردست خراج عقیدت پیش کیا اوراس موقع پرایک تعزیتی مجلس سے خطاب کرتے ہوئے کہا کہ قابض انتظامیہ کی طرف سے نام نہاد جنگ بندی کے تمام دعوئے جھوٹے ثابت ہو گئے ہیں ۔رمضان المبارک کے دوران بھی تلاشیاں، چھاپے، محاصرے اور گرفتاریاں مسلسل جاری ہیں اور نہتے کشمیریوں پر مظالم میں کوئی کمی نہیں آئی ہے ۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.