حیدرآباد،نگران حکومت تحریک انصاف کو سپورٹ کررہی ہے ، جمال عارف سہرودی
نیب کی کارروائیاں ہمیں دیوار سے لگانے کے لیے ہورہی ہیں، اگر الیکشن شفاف ہوئے تو پنجاب، خیبرپختونخوا اور وفاق میں ہماری حکومت ہوگی،مرکزی کونسل ممبر مسلم لیگ ن
ہفتہ 21 جولائی 2018 22:44
(جاری ہے)
انہوں نے کہا کہ پنجاب کی نگران حکومت اور پی ٹی آئی میں کوئی فرق نہیں ۔
نگران حکومت پی ٹی آئی کے اشاروں پر ناچ رہی ہے اور پنجاب کے وزیر اعلیٰ اور وزیر داخلہ پی ٹی آئی کے کارکن بنے ہوئے ہیں جبکہ الیکشن کمیشن بھی خاموش تماشائی ہے ۔ انہوں نے کہاکہ لاڈلا کچھ بھی کرے اسے کھلی چھوٹ ہے جبکہ ہمارے ورکرز پر دہشت گردی کی دفعات لگا دی جاتی ہیں۔ الیکشن مہم میں صرف 2دن رہ گئے ہیں لیکن نیب کی ساری کارروائیاں مسلم لیگ ن کو دیوار سے لگانے کے لیے ہو رہی ہیں ۔ مسلم لیگ(ن) کی نیب میں پیشیاں ہو رہی ہیں جبکہ کچھ لوگ پیسٹریاں کھا رہے ہیں۔ مسلم لیگ (ن ) کو دیوار سے لگانا کہاں کا انصاف ہی ۔ جمال عارف سہروردی نے کہا کہ سارے کرپٹ لاڈلے کی پارٹی میں پہنچ گئے ہیں لیکن عوام کی اکثریت مسلم لیگ ن کے ساتھ ہے اور اگر کسی نے ہمارا مینڈیٹ چوری کرنے کی کوشش کی تو ملک کیلئے اچھا نہیں ہو گا ۔ اگر خیبرپختونخوا کے غیور عوام نے مسلم لیگ(ن) کے صدر شہباز شریف کو موقع دیا تو کے پی کو پنجاب کے برابر لائیں گے ۔مسلم لیگ(ن) مرکز سمیت پنجاب اور خیبر پختونخوا میں حکومت بنائے گی۔ انہوں نے کہاکہ اللہ نے موقع دیا تو پاکستان کو ترکی اور ملائیشیا کے برابر لائیں گے ۔جمال عارف سہروردی کا کہنا تھا کہ 25 جولائی کو تمام سازششیں دم توڑ جائیں گی۔ہم ووٹر کی عزت اور ووٹ کا احترام چاہتے ہیں، الیکشن کمیشن کو فری اینڈ فئیر انتخابات کو یقینی بنانا چاہیے۔ترقی کے لیے شفاف الیکشن ناگزیر ہے۔انہوں نے مسلم لیگ(ق) کے رہنما چوہدری پرویز الٰہی کو خبردار کیا کہ وہ نواز شریف اور شہباز شریف کے بارے میں بازاری زبان استعمال کرنا بند کریں ، پاکستان کے عوام اچھی طرح جانتے ہیں نواز شریف کے تلوے چاٹنے والا پرویز الٰہی نے پرویزمشرف کے ساتھ مل کر نواز شریف کی حکومت کو ہائی جیک کیا اور پرویز الٰہی اور چوہدری شجاعت حسین نے مشرف کی حکومت میں اعلیٰ عہدے لئے اور نواز شریف کیخلاف سازشیں کے جال بچھائے لیکن عوام کی عدالت نے ہر بار نواز شریف کو سرخرو کیا ۔ 25جولائی کو چوہدری برادران اپنے منطقی انجام کو پہنچیں گے ۔مزید قومی خبریں
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
بی آر ٹی پشاور شدید مالی بحران کا شکار ۔ بی آر ٹی کا مالی خسارہ 5 ارب روپے سے تجاوز کر گیا
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.