عوام 25جولائی کو شیر پر ٹھپہ لگاکر عمران خان کی سیاست کو ٹھپ کردیں، شہباز شریف
عمران خان یوٹرن خان ہیں ، تصویر ملک کے ہر یو ٹرن پر لگنی چاہئے ، نواز شریف نے پاکستان میں موٹرویز کے جال بچھائے ،پنجاب میں سکول اور یونیورسٹیاں بنائی، ہم نے ہسپتالوں کی شکل اور حالت بدل دی ہے،عمران خان نے خیبرپختونخواکابیڑاغرق کردیا ہے،پشاور میں میٹرو بنی نہیں لیکن علاقہ کھنڈر بن گیا ہے، اقتدار میں آ کر کئی شہروں کو لاہورجیسے منصوبے دینگے،انشااللہ وہ وقت آئے گا جی ٹونٹی میں بھارت نہیں پاکستان ہو گا، سرگودھا میں اجتماعات سے خطاب
ہفتہ 21 جولائی 2018 23:16
(جاری ہے)
انہوں نے کہا کہ نواز شریف نے پاکستان میں موٹرویز کے جال بچھائے ہیں اور پنجاب میں سکول اور یونیورسٹیاں بنائی ہیں،ہم نے ہسپتالوں کی حالت بدل دی ہے۔
انہوں نے کہا کہ اسے گرفتار کیا گیا جس نے ایٹمی دھماکے کرکے پاکستان کو عظیم قوت بنایا۔انہوں نے کہا کہ نواز شریف 13 جولائی کو بیٹی کے ساتھ بیمار اہلیہ کو چھوڑ کر لندن سے پاکستان پہنچے، انہیں بیمار والدہ سے ملاقات کی بھی اجازت نہیں دی گئی، دونوں باپ بیٹی کو جیل کی سلاخوں کے پیچھے ڈال دیا گیا۔شہباز شریف نے چیئرمین تحریک انصاف عمران خان پر تنقید کرتے ہوئے کہا کہ جھوٹے خان، الزام خان اور بہتان خان روز ایک بات کرتا ہے اوریوٹرن لیتا ہے، جتنے پاکستان میں یو ٹرن کے نشان ہیں وہاں عمران خان کی تصویر لگائی جائے عوام خود سمجھ جائیں گے۔انہوں نے کہا کہ عوام جانتے ہیں کس نے کام کیا اور کس نے شور مچا کر دھکا دیا۔انہوں نے کہا کہ عوام اب کسی کے فریب میں نہ آئیں اور شیر پر مہر لگائیں۔شہباز شریف نے کہا کہ عمران خان نوازشریف کیخلاف دن رات کرپشن کی بات کرتے تھے لیکن نواز شریف کیخلاف کرپشن کاکوئی ثبوت نہیں ملا۔ شہباز شریف نے کہا کہ عمران خان پنجاب کی میٹرو پر انگلی اٹھائی اور پھر خیبرپختونخوا نے بھی میٹرو بنانے کی کوشش کی اور اس کا ٹھیکہ بلیک لسٹ کمپنی کو دیدیا لیکن اب تک وہاں میٹرو نہیں بن سکتی اور پورا شہر کھنڈر بن گیا ہے اب پشاور میٹرو پر خرچ ہونے والی رقم تحقیقات ہو رہی ہے۔۔انہوں نے جلسے کے حاضرین سے استفسار کیا کہ کیا آپ پشاور کی طرح پنجاب کو برباد ہوتا دیکھ سکتے ہیں ۔ انہوں نے کہا کہ سرگودھا میں جہاں بھی ہمارے نمائندوں سے کوتاہی ہوئی میں معذرت چاہتاہوں۔ انہوں نے کہا کہ حکومت ملی تو سرگودھا کو لاہور جیسا بنائوں گا۔ انہوں نے کہا کہ اقتدار میں آ کر کئی شہروں کو لاہورجیسے منصوبے دیں گے ۔انہوں نے کہا کہ میں نے پشاور ، کراچی اور کوئٹہ کو لاہور بنانے کا کہا ہے ، کیاعمران خان پشاور کو لاہوربنانے کادعویٰ کرسکتے ہیں۔ انہوں نے کہا کہ عمران خان پشاور کو لاہو بنادیں تو میں سیاست چھوڑ دوں گا۔انہوںنے کہا کہ عمران خان نے خیبرپختونخوا کا بیڑا غرق کردیا ہے، پشاور میٹرو میں 40 ارب روپے کی کرپشن ہوئی، جس نے 40 ارب روپے کا فراڈ کیا، کیا اس فراڈیے کو آپ ووٹ دیں گی ۔انہوں نے کہا کہ پشاور ہائیکورٹ نے عمران خان کی کرپشن پر مہر لگادی ہے ۔شہباز شریف نے کہا کہ عمران خان کہتا ہے شہباز شریف بہت خطرناک آدمی ہے، عمران خان تمہیں بہت دیر بعد پتا چلا ہے۔عمران خان ایک لمحے کہے گا کالج بناکردوں گا، اگلے منٹ میں کہے گا نہیں بناکردوں گا۔انہوں نے کہا کہ 25جولائی کو عوام شیر پر ٹھپا لگاکر عمران خان کی سیاست کو ٹھپ کردیں۔انہوںنے کہاکہ آج ہم ایک طرف نیو کلیئر طاقت ہیں اوردوسری طرف ہمارے ہاتھ میں کشکول ہے،آگ اور پانی اکٹھے نہیں ہو سکتے اس طرح نیو کلیئر طاقت کشکول کے ساتھ نہیں چل سکتی ۔ انہوںنے کہا کہ انہوںنے کہا کہ گر آپ نے ہمیں اعتماد سے نوازا تو کئی محاذوں پر بھارت کو شکست دیں گے ،پا کستان کو ترکی اور ملائشیا کے برابر لائیں گے ۔بھارت کو تعلیم،صحت ،ترقی ،خوشحالی میں شکست دیں گے ۔ انہوںنے کہا کہ انشا اللہ وہ وقت آئے گا جی ٹونٹی میں بھارت نہیں پاکستان ہو گا۔انہوں نے کہا کہ جھوٹے خان نے 2013میں کہا تھا کہ پورے پاکستان کو بجلی دوں گا،کہاں ہے وہ بجلی ۔ انہوں نے کہا کہ اگر میرے خلاف ایک دھیلے کی کرپشن لے آئیں تو آپ کا ہاتھ میرا گریبان ہو گا۔مزید اہم خبریں
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
-
بھارت: بی جے پی کے اکلوتے مسلم اُمیدوار کون ہیں؟
-
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
-
گھیراوٴ جلاوٴ اور مار دھاڑ کی گندی سیاست نہیں چل سکتی ہے، سعدرفیق
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.