پاکستان میڈیا کونسل کے تحت تقریب یوم دفاع شکریہ پاکستان شکریہ افواج پاکستان کا انعقاد

کراچی۔ (اُردو پوائنٹ اخبارتازہ ترین - اے پی پی۔ 09 ستمبر2018ء) پاکستان میڈیا کونسل (رجسٹرڈ) کے تحت یوم دفاع کی تقریب شکریہ پاکستان۔ شکریہ افواج پاکستان کا انعقاد کیا گیا جس میں مہمان خاص ڈائریکٹر محکمہ اطلاعات زینت جہاں ڈائریکٹر جنرل کچی آبادی حکومت سندھ، ڈاکٹر اقبال سعید خان، سینئر صحافی خورشید عباسی، اختر میر، مختار احمد بھائی جی، سید قیصر محمود، عثمان عرب ساٹھی، انور عباس، شبیر سومرو ، افضل وارثی، یعقوب غزنوی، منصور احمد خان، مزمل فیروزی، ڈاکٹر پروفیسر سمدھانی ، نوازش علی ، چوہدری امجد، نور اے ملک، سعدیہ انصاری و دیگر نے شرکت کی جبکہ پیر طریقت رہبر شریعت صوفی عبدالرزاق رہبری نے بھی تقریب کو رونق بخشی ، پروگرام آرگنائزر امجد انصاری اور نعمان علی شیخ تھے ۔

مرکزی صدر مہر حمید انور ، اہلیہ کی علالت کے باعث کراچی نہ آسکے ، پروگرام میں شہداء پاک فوج اور غازیوں ، شہدائے سندھ رینجرز، شہدائے سندھ پولیس کو خراج تحسین پیش کیا گیا اور شمعیں روشن کی گئیں۔

(جاری ہے)

صدر پی ایم سی سندھ شاکر سیلانی ، چیئرمین سندھ سید تسلیم بخاری ، جنرل سیکریٹری امجد انصاری، مرکزی نائب صدر انور عباس ، سینئر نائب صدر انور علی شیخ اور صدر کراچی ڈویژن ذوالفقار نگری تقریب کے میزبان تھے ۔

تقریب میں 6ستمبر کے حوالے سے اسکول کے بچوں نے بھی جذباتی تقاریر کیں ۔ اختتام پر مہمانوں کو اعزازی اسناد ، شیلڈ اور اجرک کا تحفہ پیش کیا گیا۔ شرکاء نے صدر پی ایم سی مہر حمید انور اور ان کی ٹیم کا شکریہ ادا کیا اور پروگرام کو سراہا، پروگرام کے اختتام پر شہداء گیلری پر ٹریبوٹ پیش کرتے ہوئے اے راہ حق کے شہیدوں نغمے پر تمام شرکاء آبدیدہ ہوگئے۔