وزیراعظم کی کوششوں سے مسئلہ کشمیر بین الاقوامی فورمز پر اجاگر ہو ا ، دھرنے سے کشمیر کاز کو بہت نقصان پہنچا‘عثمان بزدار
مقبوضہ کشمیر میں 104 روز سے جاری بدترین کرفیو اس صدی کا سب سے بڑا المیہ ہے،بھارتی وحشت آشکار ہو چکی ہے مساجد کو تالے لگانا بھارت کے سیکولر ہونے کے دعوے کی نفی ہے، بھارت تنگ نظر انتہا پسند ریاست میں تبدیل ہو چکا ہے طلبا و طالبات کی اعلیٰ تعلیم کیلئے ایک برس میں 8 یونیورسٹیاں بنانے کا فیصلہ کیا ہے،طلبہ کے حقوق کے تحفظ کے عالمی دن پر پیغام
ہفتہ 16 نومبر 2019 20:57
(جاری ہے)
بھارتی حکومت کا مقبوضہ کشمیر اور دیگر ریاستوں میں مسلمانوں کے ساتھ رویہ انتہائی قابل مذمت ہے۔
انہوں نے کہا کہ بھارت تنگ نظر انتہا پسند ریاست میں تبدیل ہو چکا ہے اور ہندوئوں کی انتہاپسندی کی وجہ سے بھارت میں اقلیتوں میں عدم تحفظ کا احساس بڑھ رہا ہے۔ وزیراعلیٰ نے کہا کہ بھارت جان لے، مقبوضہ کشمیر کی حیثیت تبدیل کرنے سے تنازع کشمیر دنیا کی نظروں سے اوجھل نہیں ہو سکتا۔ کیا ظلم و جبر سے پھول کھلیں گے یا تشدد جنم لے گا ہر عمل کا رد عمل ہوتا ہے ، ظلم اور زیادتیوں کا رد عمل خوفناک ہو سکتا ہے۔ انہو ںنے کہا کہ مقبوضہ کشمیر متنازع علاقہ اورحل طلب تصفیہ ہے اور خطے میں پائیدار امن کیلئے مقبوضہ کشمیر کا اقوام متحدہ کی قراردادوں کی روشنی میں حل ناگزیر ہے۔ وزیراعلیٰ نے کہا کہ وزیراعظم عمران خان کی کوششوں سے مسئلہ کشمیر بین الاقوامی فورمز پر اجاگر ہو ا جبکہ دھرنے کی وجہ سے کشمیر کاز کو بہت نقصان پہنچا۔ انہوں نے کہا کہ پاکستان اور کشمیر لازم و ملزوم ہیں، ہمارے اور کشمیریوں کے دل ایک ساتھ دھڑکتے ہیں اور مظلوم کشمیریوں کے ساتھ چٹان کی طرح کھڑے رہیں گے۔ کشمیر میں شمع آزادی بجھنے نہیں پائے گی۔مسلسل کرفیو اور بھارتی فوج کے مظالم کے باوجود آج بھی کشمیریوں کے حوصلے بلند ہیں۔ مقبوضہ کشمیر کے مسلمانوں کی نسل کشی کے مذموم بھارتی عزائم پورے نہیں ہوںگے۔پاکستان مظلوم کشمیری بہن بھائیوںکوکبھی اکیلا نہیں چھوڑے گا۔وزیر اعلیٰ پنجاب سردار عثمان بزدار نے طلبہ کے حقوق کے تحفظ کے عالمی دن کے موقع پر اپنے پیغام میں کہا ہے کہ طلبہ کو معیاری اور جدید تعلیمی سہولیات کی فراہمی ریاست کی ذمہ داری ہے۔ طلبہ کسی بھی ملک کیلئے ترقی کی منزل کے حصول میں مدد گار ثابت ہوتے ہیں۔ طلبہ کو اپنا مستقبل سنوارنے کیلئے بہترین تعلیمی سہولیات مہیا کرنا ترجیحات میں اولین ہے۔ طلبہ کسی بھی ملک کا عظیم سرمایہ ہوتے ہیں اور معیاری اور جدید تعلیمی سہولیات ان کا بنیادی حق ہے۔ہماری حکومت نے طلبا و طالبات کو اعلیٰ تعلیم کے مواقع فراہم کرنے کیلئے ایک برس میں 8 یونیورسٹیاں بنانے کا فیصلہ کیا ہے۔یہ یونیورسٹیاں ان شہروں میں بنائی جا رہی ہیں جہاں پر اعلیٰ تعلیم کے مواقع میسر نہیں تھے۔ انہوں نے کہا کہ طلبہ ہی قومی اور بین الاقوامی سطح پر ملک کا سافٹ امیج اجاگرکرنے کا باعث بنتے ہیں اور پاکستانی طلبہ اپنی ذہانت اور کارکردگی کے باعث ملک وقوم کا نام روشن کرنے کا باعث بن رہے ہیں۔ ذہین اور ہو نہار طلبہ کی حوصلہ افزائی جاری رکھیں گے۔ وزیراعلیٰ نے کہا کہ یہ دن ہمیں طلبہ کے حقوق کے تحفظ کے لئے اقدامات کو تیز کرنے کا موقع فراہم کرتا ہے اور اس دن کا پیغام یہی ہے کہ طلباء اپنے اور ملک و قوم کے مستقبل کیلئے مکمل جانفشانی اور انہماک کے ساتھ تعلیم و تربیت حاصل کریں۔انہوں نے کہا کہ میں آج کے دن کی مناسبت سے ان تمام طلباء کو خراج تحسین پیش کرتا ہوں جنہوں نے اپنی محنت اور ذہانت کے بل بوتے پر اپنا اور ملک کام نام روشن کیا اور آج ہمیں اس عزم کا اعادہ کرنا ہے کہ طلبہ کی تربیت اور ذہنی استعداد بڑھانے کیلئے تمام تر وسائل بروئے کار لائے جائیں گے۔ وزیراعلیٰ پنجاب سردار عثمان بزدار نے سابق آئی جی جیل خانہ جات محمد یوسف لنگاہ کے انتقال اور روزنامہ ’’نوائے قت‘‘ کے ڈائریکٹر ایڈمن لیفٹیننٹ کرنل (ر) سید احمد ندیم قادری کی خوشدامن کی وفات پر دکھ اور افسوس کا اظہار کیا ہے۔ وزیراعلیٰ نے اپنے تعزیتی پیغامات میں سوگوار خاندانوں سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ مرحومین کی ارواح کو جوار رحمت میں جگہ دے اور غمزدہ خاندانوں کو صبر جمیل عطا فرمائے۔مزید اہم خبریں
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.