مقبوضہ کشمیر، بھارتی پولیس کا ڈپٹی انسپکٹر جنرل مٹی کے تودے تلے آنے کے باعث ہلاک ہو گیا

اتوار 15 دسمبر 2019 23:10

جموں (اُردو پوائنٹ اخبارتازہ ترین - اے پی پی۔ 15 دسمبر2019ء) مقبوضہ کشمیر میں بھارتی سینٹرل ریزرو پولیس فورس کا ایک ڈپٹی انسپکٹر جنرل( ڈی آئی جی ) شیلندر کمار سنگھ سرینگر جموں شاہراہ پر ضلع رام بن کے علاقے میں مٹی کے تودے تلے آنے کے باعث ہلاک ہو گیا۔

(جاری ہے)

کشمیر میڈیا سروس کے مطابق شیلندر کمار سنگھ سینٹرل ریزرو فورس (سی آر پی ایف )کے ایک قافلے کے ہمراہ مقبوضہ وادی کی طرف جارہا تھا کہ خونی نالہ کے قریب انکی گاڑی مٹی کے تودے کی زد میں آگئی۔ بھارتی ذرائع ابلاغ کی اطلاعات کے مطابق حادثے میں ڈپٹی انسپکٹر جنرل کا ڈرائیور بھی ہلاک ہو گیا جبکہ انکا سیکورٹی افسر شدید زخمی ہو گیا۔