بھارتی فوج کے ہاتھوں شہید ہوجانے والے بزرگ شہری کی لاش پر بیٹھے نواسے کی تصویر دنیا بھر میں وائرل ہوگئی

تصویر میں مقبوضہ کشمیر کے لوگوں کی بے بسی اور دکھ ناقابل بیان ہے، ترجمان دفتر خارجہ عائشہ فاروقی کا رد عمل

بدھ 1 جولائی 2020 23:23

سرینگر (اُردو پوائنٹ اخبارتازہ ترین - این این آئی۔ 01 جولائی2020ء) مقبوضہ کشمیر میں بھارتی فوج کے ہاتھوں شہید ہوجانے والے بزرگ شہری کی لاش پر بیٹھے ان کے نواسے کی تصویر دنیا بھر میں وائرل ہوگئی ہے۔نانا کی لاش پر بیٹھے کشمیری بچے کی تصویر پر ترجمان دفترخارجہ نے کہا ہے کہ اس تصویر میں مقبوضہ کشمیر کے لوگوں کی بے بسی اور دکھ ناقابل بیان ہے۔

(جاری ہے)

واضح رہے کہ مقبوضہ کشمیر میں بھارتی فورسز کی درندگی کا ایک اور واقعہ سامنے آیا جس میں 60 سالہ بزرگ کو ان کے 3 سال کے نواسے کے سامنے قتل کر دیا گیا۔

قابض بھارتی فورسز کی بربریت کا واقعہ سوپور میں پیش آیا ہے جہاں بزرگ کو کار سے اتار کر فائرنگ کر کے قتل کر دیا گیا۔نواسہ معجزانہ طور پر بھارتی فوجیوں کی فائرنگ سے محفوظ رہا، بچہ سہما ہوا نانا کی لاش پر بیٹھ کر روتا اور مدد کو پکارتا رہا۔60 سالہ شہید بشیر احمد خان کے بیٹے کا کہنا ہے کہ قابض فورسز نے اس کے والد کو کار سے اتار کر گولیاں ماریں۔شہید کے اہلِ خانہ کے مطابق بشیر احمد خان سامان لینے کا کہہ کر گھر سے سوپور جانے کے لیے نکلے تھے۔