بھارت کے زیر قبضہ جموںوکشمیر میں کرفیو جیسی پابندیاں،(کل)بھارتی یوم جمہوریہ یوم سیاہ کے طورپر منایا جائیگا
حریت کانفرنس ،رہنمائوں اور تنظیموں کی بھارتی یوم جمہوریہ یوم سیاہ کے طور پر منانے اورتمام سرکاری تقریبات کا بائیکاٹ کرنے کی اپیل، حریت رہنمائوںکاشہدائے ہندوارہ کو انکی شہادت کی برسی پر شاندار خراج عقیدت
اتوار 24 جنوری 2021 17:50
(جاری ہے)
کل جماعتی حریت کانفرنس اور دیگر حریت رہنمائوں اور تنظیموں شبیر احمد ڈار، محمد اقبال میر اور جموںوکشمیر ڈیموکریٹک فریڈم پارٹی نے سرینگر میں اپنے بیانات کشمیریوں سے اپیل کی کہ وہ منگل کو بھارتی یوم جمہوریہ یوم سیاہ کے طور پر منائیں اور تمام سرکاری تقریبات کا بائیکاٹ کریں ۔
کل جماعتی حریت کانفرنس نے وادی کے مختلف مقامات میں چسپاں پوسٹروں کے ذریعے لوگوں سے کہا ہے کہ وہ اپنے گھروں کی چھتوں ، دکانوں اور کھمبوں پر کالے جھڈے لہرا کرعالمی برادری کو یہ واضح پیغام دیں کہ بھارت ایک جمہوری ملک نہیں ہے کیونکہ اس نے کشمیریوں کے بنیادی حقو ق غصب کر رکھے ہیں۔ دریں حریت رہنمائوںنے شہدائے ہندوارہ کو انکی شہادت کی برسی پر شاندار خراج عقیدت پیش کیا ہے۔بھارتی بارڈر سیکورٹی فورس(بی ایس ایف) کے اہلکاروں نے 25جنوری 1990کو ہندواڑ ہ میں پر امن مظاہرین پر فائرنگ کر کے سترہ بیگناہ کشمیری شہید کر دیے تھے۔ جموںوکشمیر سوشل پیس فورم کے چیئرمین دیویندر سنگھ بہل نے جموں کے علاقے نوشہرہ میں ایک تقریب سے خطاب کرتے ہوئے کہا کہ بھارتی فوج مقبوضہ علاقے میں انسانی حقوق کی سنگین خلاف ورزیاں کر رہی ہے۔ ضلع شوپیاں میں انسانی ہمدردی کی خوبصورت نظیر اس وقت دیکھنے کو ملی جب کشمیری مسلمانوں نے ایک کشمیری پنڈٹ باسکر ناتھ کی آخری رسومات کی ادائیگی کیلئے بھاری برف ہٹا کر راستہ صاف کیا ۔ سرینگر کے صورہ ہسپتال میں وفات پا جانے والے پنڈت کی خبر جونہی علاقے میں پھیلی تو آنجہانی کے مسلمان ہمسائیوں نے برف ہٹا کر راستہ ہموار کیا اور چتا چلانے کیلئے لکڑیوںکا بندوبست کیا۔ادھر سرینگر جموں شاہراہ پر گزشتہ ایک دہائی کے دوران آٹھ ہزار سے زائد ٹریفک حادثات میں 1ہزار 7سو 50اموات ہوئیں۔ٹریفک پولیس کے مرتب کردہ اعداد و شمار کے مطابق 2010سے 2020کے درمیان ہونے والے حادثات میں 12ہزار 1سو 31افراد زخمی ہو ئے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.