عالمی امن کےفروغ کے لیے پاکستان اور پاک فوج کی قربانیاں دنیا کے سامنے ہیں ، آرمی چیف

ہمارے جوانوں نے ہر آزماش کی گھڑی میں قربانیاں دی ہیں‘ ہماری قربانیاں عالمی امن کے لیے ہمارے غیر متزلزل عزم کی عکاسی کرتی ہیں ، جنرل قمر جاوید باجوہ نے اقوام متحدہ کے 76 ویں عالمی دن پر نیک خواہشات کا اظہار کیا

ساجد علی اتوار 24 اکتوبر 2021 11:46

عالمی امن کےفروغ کے لیے پاکستان اور پاک فوج کی قربانیاں دنیا کے سامنے ..

راولپنڈی ( اُردو پوائنٹ اخبارتازہ ترین ۔ 24 اکتوبر 2021ء ) چیف آف آرمی سٹاف جنرل قمر جاوید باجوہ نے کہا ہے کہ عالمی امن کےفروغ کے لیے پاکستان اور پاک فوج کی قربانیاں دنیا کے سامنے ہیں ۔

(جاری ہے)

تفصیلات کے مطابق پاک فوج کے شعبہ تعلقات عامہ (آئی اسی پی آر ) کی جانب سے سماجی رابطوں کی ویب سائٹ ٹوئٹر پر جاری کردہ ایک پیغام میں کہا گیا ہے کہ آرمی چیف جنرل قمر جاوید باجوہ نے اقوام متحدہ کے 76 ویں عالمی دن پر نیک خواہشات کا اظہار کیا ، انہوں نے کہا ہے کہ پاک فوج امن کے لیے خدمات میں ہمیشہ پیش پیش رہی ہے۔

Pakistan Armed Forces extend best wishes to @UN on its 76th anniversary. “Pakistan Army has distinguished history of serving humanity for peace. Sacrifices by our men bear testimony to our unwavering resolve for global peace in line with our Founding Father’s vision” COAS.
— DG ISPR (@OfficialDGISPR) October 24, 2021

پاک فوج کے سر براہ نے اپنے پیغام میں مزید کہا کہ ہمارے جوانوں نے ہر آزماش کی گھڑی میں قربانیاں دی ہیں ، عالمی امن کےفروغ کیلئے پاکستان اور پاک فوج کی قربانیاں دنیا کے سامنے ہیں ، ہماری قربانیاں عالمی امن کے لیے ہمارے غیر متزلزل عزم کی عکاسی کرتی ہیں ، ہماری قربانیاں بابائے قوم کے وژن کے مطابق ہیں۔