Live Updates

وزیراعظم عمران خان کی ہوا بازی کے شعبہ میں خدمات کے بہترین معیار کو یقینی بنانے کی ہدایت

منگل 18 جنوری 2022 23:15

اسلام آباد (اُردو پوائنٹ اخبارتازہ ترین - این این آئی۔ 18 جنوری2022ء) وزیراعظم عمران خان نے ہوا بازی کے شعبہ میں خدمات کے بہترین معیار کو یقینی بنانے کی ہدایت کی ہے۔ منگل کو وزیراعظم آفس کے میڈیا ونگ سے جاری بیان کے مطابق وزیراعظم عمران خان کی زیر صدارت ملک میں ہوابازی کے شعبے سے متعلق امور کا جائزہ لینے کیلئے اجلاس منعقد ہوا۔

(جاری ہے)

اجلاس میں وفاقی وزیر ہوا بازی غلام سرور خان، وفاقی وزیر خزانہ شوکت فیاض ترین اور متعلقہ سینئر افسران نے شرکت کی۔

وزیراعظم عمران خان نے ہوابازی کے شعبے میں خدمات کے بہترین معیار کو یقینی بنانے کی ہدایت کی۔ انہوں نے کہا کہ مسافروں کو بہتر سے بہتر خدمات پہنچانے کے لئے ملک میں ایک مؤثر مسابقتی عمل کا اجراء وقت کی اہم ضرورت ہے۔وزیراعظم نے قومی فضائی کمپنی پاکستان انٹرنیشنل ایئرلائنز (پی آئی ای) کی کارکردگی کو بہتر بنانے کی بھی ہدایت کی۔