آپ کو ووٹ پی ٹی آئی کا امیدوار ہونے کی وجہ سے دیا، حلقے کی عوام سے معافی مانگ کر مستعفی ہوں

ر میرا ووٹ آپ کسی بھی ایسے شخص کی جھولی میں نہیں ڈال سکتے، تحریک انصاف کے منحرف ایم این اے مخدوم سمیع الحسن گیلانی کو حلقے کے ووٹروں نے نوٹس دے دیا

مقدس فاروق اعوان جمعہ 1 اپریل 2022 12:29

آپ کو ووٹ پی ٹی آئی کا امیدوار ہونے کی وجہ سے دیا، حلقے کی عوام سے معافی ..

اسلام آباد ( اُردو پوائنٹ اخبارتازہ ترین ۔ یکم اپریل 2022ء) تحریک انصاف کے منحرف ایم این اے مخدوم سمیع الحسن گیلانی کو حلقے کے ووٹروں نے نوٹس دے دیا۔نوٹس میں مخدوم سمیع الحسن گیلانی سے مستعفی ہونے کا مطالبہ کیا گیا ہے۔تحریک انصاف کے ٹکٹ پر قومی اسمبلی کے حلقہ این اے 174 سے منتخب ہونے والے مخدوم سمیع الحسن گیلانی کو ایک ووٹر کی جانب سے نوٹس بھجوایا گیا۔

نوٹس بھیجنے والے ووٹر ایڈووکیٹ ثاقب ریاض بھٹہ نے موقف اپنایا کہ 2018ء میں مخدوم سمیع الحسن گیلانی کو صرف اور صرف تحریک انصاف کے امیدوار ہونے کی وجہ سے ووٹ ڈالا تھا، اگر ان کے علاوہ یہ ٹکٹ کسی اور کے پاس ہوتا تو ہم اسے ووٹ ڈالتے۔انہوں نے کہا گذشتہ روز ہمارے نمائندے کو ہمارے وزیراعظم کے خلاف سندھ ہاؤس میں ہونے والے اپوزیشن کے اجلاس میں شریک دیکھ کر شدید رنج ہوا، یہ میرے ووٹ کی نمائندگی نہیں ہے، بطور ووٹر آپ مجھے جوابدہ ہیں اور میرا ووٹ آپ کسی بھی ایسے شخص کی جھولی میں نہیں ڈال سکتے جس کے لیے میں نے آپ کو ووٹ نہیں دیا۔

(جاری ہے)

میرا ووٹ آپ کسی بھی ایسے شخص کی جھولی میں نہیں ڈال سکتے,آپ کو ووٹ پی ٹی آئی کا امیدوار ہونے کی وجہ سے دیا، حلقے کی عوام سے معافی مانگ کر مستعفی ہوں

تحریک انصاف کے منحرف ایم این اے کوحلقے کے ووٹر کا نوٹس pic.twitter.com/4j59wJvSV2
— Muqadas Farooq Awan (@muqadasawann) April 1, 2022

نوٹس میں مطالبہ کیا گیا کہ مجھ سمیت حلقے کے تمام ووٹرز سے تحریری طور پر معافی مانگیں اور اپنی سیٹ سے استعفیٰ دے کر کسی بھی ٹکٹ پر الیکشن لڑیں اور جس مرضی جماعت میں شامل ہو جائیں۔اگر آپ نے نوٹس موصول ہونے کے بعد یہ مطالبات پورے نہ کیے تو آپ کے خلاف قانونی کارروائی کروں گا۔دوسری جانب قومی اسمبلی میں پاکستان تحریک انصاف (پی ٹی آئی) کے 22 منحرف اراکین سامنے آئے ہیں جس پر پارٹی کی طرف سے ان اراکین کیخلاف فیصلہ کن کارروائی کے معاملے پر غور کیا گیا ہے۔

مشیر برائے پارلیمانی امور ڈاکٹر بابر اعوان نے پارٹی کے مرکزی سیکرٹریٹ کا دورہ کیا اور رکن قومی اسمبلی عامر محمود کیانی سے خصوصی ملاقات کی۔ملاقات کے دوران منحرف اراکین قومی اسمبلی کو اظہار وجوہ کے نوٹسز کے اجراء کی حکمت عملی پر تبادلہ خیال کیا گیا، اظہار وجوہ کے نوٹسز کے ڈرافٹ کو حتمی شکل دیدی گئی۔نوٹسز دستور پاکستان کے آرٹیکل 63اے کے تحت جاری کئے جارہے ہیں، دستور پاکستان کا آرٹیکل 63اے اراکین اسمبلی کے فلور کراس کرنے پر کڑی قدغن عائد کرتا ہے، آئین کے تحت پارلیمانی پارٹی کے سربراہ کی جانب سے جاری پارٹی پالیسی سے انحراف کا مرتکب رکن قومی اسمبلی کو اپنی نشست سے ہاتھ دھونا ہوتے ہیں۔