نوازشریف سے گزشتہ دور میں متواتر ملاقاتیں رہیں، وزیراعظم آزاد کشمیر

وفاقی حکومت آزاد کشمیر کے فنڈز میں کٹوتی کے بجائے اضافہ کرے، سر دار تنویر الیاس

پیر 1 اگست 2022 18:02

لندن (اُردو پوائنٹ اخبارتازہ ترین - این این آئی۔ 01 اگست2022ء) وزیراعظم آزاد کشمیر سردار تنویر الیاس نے کہا ہے کہ نواز شریف روادار اور تعلق رکھنے والے شخص ہیں، جن سے گزشتہ دور میں متواتر ملاقاتیں رہی ہیں۔ایک انٹرویومیں سردار تنویر الیاس نے کہا کہ نوازشریف کے مطابق کلثوم نواز میرے گھر کی تصویر دیکھ کر آنا چاہتی تھیں تاہم زندگی نے وفا نہ کی۔

(جاری ہے)

انہوں نے کہا کہ آزاد کشمیر میں بدعنوان عناصر کے خلاف احتساب کرنا چاہتا ہوں، بعض سیاستدان اور سرکاری افسران دولت کے لیے جنگلات کو تباہ کر رہے ہیں۔وزیراعظم اٰزاد کشمیر نے کہا کہ وفاقی حکومت آزاد کشمیر کے فنڈز میں کٹوتی کے بجائے اضافہ کرے۔انہوںنے کہاکہ آزاد کشمیر میں پی ٹی آئی کی حکومت مستحکم ہے، عمران خان سے 1996 میں سعودی عرب میں فنڈ ریزنگ کے دوران تعلق قائم ہوا۔سردار تنویر الیاس نے کہا کہ اپوزیشن ساتھ دے تو آزاد کشمیر کو خوابوں کی تعبیر کے مطابق بنادوں گا۔