دہشت گردی کا خاتمہ مشترکہ کوششوں سے ہی ممکن ہو گا،مریم نواز

پاکستان نے دہشت گردی کیخلاف جانی و معاشی نقصانات اٹھائے،جمہوریت کا تسلسل اور وقت پر انتخابات اہم ہیں،چیف آرگنائزر مسلم لیگ ن

عبدالجبار بدھ 1 فروری 2023 15:07

دہشت گردی کا خاتمہ مشترکہ کوششوں سے ہی ممکن ہو گا،مریم نواز

لاہور (اُردو پوائنٹ،اخبارتازہ ترین ۔ 01 فروری 2023ء) مریم نواز کا کہنا ہے کہ دہشت گردی کا خاتمہ مشترکہ کوششوں سے ہی ممکن ہو گا،پاکستان نے دہشت گردی کیخلاف جانی و معاشی نقصانات اٹھائے۔ تفصیلات کے مطابق مسلم لیگ ن کی چیف آرگنائزر اور سنیئر نائب صدر مریم نواز سے قائم مقام برطانوی ہائی کمشنر نے ملاقات کی جس میں باہمی دلچپسی کے امور پر گفتگو کی گئی۔

قائم مقام برطانوی ہائی کمشنر نے پشاور دھماکے کی مذمت کی اور کہا کہ پاکستانی عوام سے اظہار یکجہتی کرتے ہیں۔ مریم نواز کا کہنا تھا پشاور واقعہ بڑا سانحہ ہے جس پر ہر دل مغموم ہے۔جمہوریت کا تسلسل اور وقت پر انتخابات اہم ہیں،پاکستان اور برطانیہ کے درمیان روابطہ کا فروغ ضروری ہے،دنیا کو مشکل صورتحال میں پاکستان کی مدد کرنا ہو گی۔

(جاری ہے)

دوسری جانب وزیراعظم شہباز شریف نے کابینہ اجلاس کے بعد میڈیا سے گفتگو کرتے ہوئے کہا ہے کہ دہشت گردی کا ناسور دوبارہ سر اٹھا رہا ہے،عوام پوچھ رہے ہیں کہ دہشت گردوں کو واپس کون لیکر آیا؟کس نے کہا تھا کہ یہ پاکستان کے دوست ہیں؟ یہ چھبتے ہوئے سوال قوم آج پوچھ رہی ہے،فوری اقدامات نہ کئے گئے تو دہشت گردی پورے ملک میں پھیل جائے گی۔

وزیراعظم کا کہنا تھا کہ پشاور دھماکہ افسوسناک ہے،تاریخ خیبر پختونخوا کی ماؤں،بہنوں اور بیٹوں کی قربانیوں کو فراموش نہیں کرے گی،خیبر پختونخوا پیارا صوبہ ہے۔ تحریک انصاف نے خیبر پختو نخوا میں 10 سال گزارے ہیں پھر کہتے ہیں کہ وسائل نہیں،کہتے ہیں وفاق سے پیسے نہیں مل رہے،وفاق سے کے پی کو سالانہ 40 ارب مل رہے ہیں۔ نیکٹا اور سی ٹی ڈی بنی صوبے میں کام ہوا پھر بھی شکوے کرنا مناسب نہیں،یہ کہنا ہے کہ فنڈز نہیں اس سے بڑی حقائق مسخ کرنے کی مثال نہیں ملتی۔

شہباز شریف کا کہنا تھا کہ این ایف سی ایوارڈ کے تحت ادائیگی بھی کی گئی،این ایف سی ایوارڈز کی مد میں خیبرپختونخوا کو 417 ارب روپے ادا کیے جا چکے ہیں،صوبوں،وفاق کا حصہ تقسیم سے پہلے ایک فیصد تھا،خیبرپختونخوا کو 417 ارب روپے دیئے گئے یہ پیسہ کدھر گیا؟بہتان بازی نہیں کررہا،2010 سے اب تک دہشت گردی سے نمٹنے کے لیے رقم دی گئی۔