جو قرض عوام نے ادا کرنا ہے اس پر بھنگڑا ڈالنے والے شرم سے ڈوب مریں،شیخ رشید

جب تک عوام ساتھ نہ ہو معاشی مسائل حل نہیں ہو سکتے،جہاں آئین و قانون دم توڑ جائے وہاں جمہوری عمارتیں زمین بوس ہو جاتی ہیں،سربراہ عوامی مسلم لیگ

عبدالجبار ہفتہ 8 جولائی 2023 10:56

جو قرض عوام نے ادا کرنا ہے اس پر بھنگڑا ڈالنے والے شرم سے ڈوب مریں،شیخ ..

راولپنڈی (اُردو پوائنٹ،اخبارتازہ ترین ۔ 08 جولائی 2023ء) شیخ رشید کا کہنا ہے کہ 12 جولائی سے پہلے آئی ایم ایف بڑی پارٹیوں سے یقین دہانیاں چاہتا ہے جس میں لوگوں کو ووٹ کا حق دینا بھی شامل ہے۔پاکستان کے معاشی مسائل کا حل اسٹینڈ بائی معاہدے سے نہیں ہوا،عارضی ریلیف ملا ہے۔ تفصیلات کے مطابق سربراہ عوامی مسلم لیگ شیخ رشید نے ٹویٹر پر اپنے بیان میں کہا ہے کہ عوام کی تکلیف میں کمی نہیں ہوئی،تین سال میں91 ارب ڈالر اور اس سال دسمبر تک 11 ارب ڈالر دینے ہیں گروتھ صفر ہے۔

نہ ایکسپورٹ بڑھی اور نہ ہی ترسیلات زر بڑھی،صرف مہنگائی اور بے روزگاری بڑھی۔ اس لیے 9 ماہ میں موجودہ نگران اور آنے والی تینوں حکومتوں کیلئے سیاسی عذاب اور امتحان ہو گا۔

12جولائی سے پہلے آئی ایم ایف بڑی پارٹیوں سے یقین دہانیاں چاہتا ہے جس میں لوگوں کو ووٹ کا حق دینا بھی شامل ہے پاکستان کے معاشی مسائل کا حل سٹینڈ بائےمعاہدے سے نہیں ہوا عارضی ریلیف ملا ہے عوام کی تکلیف میں کمی نہیں ہوئی تین سال میں91 ارب ڈالر اور اس سال دسمبر تک 11 ارب ڈالر دینے…
— Sheikh Rashid Ahmed (@ShkhRasheed) July 8, 2023

سربراہ عوامی مسلم لیگ کہنا تھا کہ اصل گھمبیر اور سنگین مسائل ابھی موجود ہیں،جب تک عوام ساتھ نہ ہو معاشی اقتصادی مسائل حل نہیں ہو سکتے۔

(جاری ہے)

جو قرضہ عوام نے ادا کرنا ہے،اس پر بھنگڑا اور دھمال ڈالنے والے شرم سے ڈوب مریں،ہمیں ہمارے سارے دوست سمجھا رہے ہیں کہ اپنے ملک میں سیاسی استحکام پیدا کریں کیونکہ تب ہی ملک میں مالی معاشی اقتصادی استحکام آئے گا لیکن اگر ہم قرضوں کی ری شیڈولنگ وقت پر نہ کر وا سکے تو ڈیفالٹ کی تلوار ہمارے سر پر لٹکتی رہے گی۔

شیخ رشید نے کہا کہ اس طرح کے معاشی حالات میں ملک چلانا آسان نہیں،عوام کے لئے ریلیف نہیں تکلیف ہی تکلیف ہے،جس اسمبلی کو پولیس تالے لگائے اور آئین و قانون دم توڑ جائے وہاں جمہوری عمارتیں زمین بوس ہو جاتی ہیں،لوگوں کیلئے مرنے یا جان ہتھیلی پر رکھ کر اپنا حق چھینے کے علاوہ کوئی راستہ نہیں رہتا۔ قبل ازیں شیخ رشید نے کہا کہ دنیا کے مبصرین پوچھ رہے ہیں پاکستان میں وقت پر الیکشن ہوں گے یا نہیں،اگر ہوں گے تو کیسے ہوں گے؟۔قوم یہ سوال پوچھتی ہے کہ پی پی پی اور ن لیگ نے کس کے خلاف الیکشن لڑنا ہے،اگر ایسے ہی الیکشن لڑنا ہے جیسے کراچی اور آزاد کشمیر میں ہوا ہے اس سے فائدہ کم اور نقصان زیادہ ہو گا۔