وزیراعظم شہباز شریف کا جہانگیر ترین سے ٹیلیفونک رابطہ

وزیراعظم نے جہانگیر ترین سے ان کے بھائی کے انتقال پر اظہار تعزیت کیا، مرحوم کے لیے دعا مغفرت اور سوگوار خاندان کے لیے صبر کی دعا کی

مقدس فاروق اعوان ہفتہ 8 جولائی 2023 12:36

وزیراعظم شہباز شریف کا جہانگیر ترین سے ٹیلیفونک رابطہ

اسلام آباد(اردوپوائنٹ،اخبارتازہ ترین ۔ 08جولائی 2023ء) وزیراعظم شہباز شریف نے سرپرست اعلی آئی پی پی جہانگیر ترین سے ٹیلیفونک رابطہ کیا پے۔ وزیراعظم نے جہانگیر ترین سے ان کے بھائی کے انتقال پر اظہار تعزیت کیا۔ وزیراعظم نے مرحوم کے لیے دعا مغفرت اور سوگوار خاندان کے لیے صبر کی دعا کی ۔ سلیمان شہباز نے بھی جہانگیر ترین سے ان کے بھائی کے انتقال پر اظہار تعزیت کیا۔

استحکام پاکستان پارٹی کے سربراہ جہانگیر ترین کے بھائی اور کرکٹ فرنچائز ملتان سلطانز کے مالک عالمگیر ترین کو سپردخاک کردیا گیا۔ عالمگیر ترین کی نماز جنازہ لاہور میں ادا کی گئی جس میں ان کے اہلخانہ اور عزیز و اقارب نے شرکت کی۔عالمگیر ترین گزشتہ روز اپنے گھر میں مردہ پائے گئے تھے، پولیس اور اہل خانہ نے خودکشی قرار دیا ۔

(جاری ہے)

ابتدائی تفتیش میں بتایا گیا تھا کہ عالمگیر ترین نے دائیں کنپٹی پر ایک گولی چلائی۔

عالمگیر ترین کی پوسٹ مارٹم رپورٹ سامنے آگئی، میڈیا رپورٹ کے مطابق جہانگیر ترین کے بھائی عالمگیر ترین کی پوسٹ مارٹم رپورٹ سامنے آگئی عالمگیر ترین کے گولی سر کے ایک طرف کان کے اوپری حصے پر لگی، گولی کنپٹی سے داخل ہوکر بائیں طرف سے نکل گئی۔رپورٹ کے مطابق گولی لگنے سے دماغ کے تشوز بری طرح متاثر ہوئے، موت بہت زیادہ خون بہنے کی وجہ سے ہوئی۔

پوسٹ مارٹم رپورٹ میں بتایا گیا ہے کہ عالمگیر ترین کے جسم پر تشدد کے کوئی نشان نہیں پائے گئے اور نہ ہی نشے کی زیادتی کے کوئی شواہد ملے ہیں۔ واضح رہے کہ پی ایس ایل ٹیم ملتان سلطانز کے مالک عالمگیر ترین نے سر پر گولی مار کر خودکشی کرلی تھی۔پولیس ذرائع کا کہنا ہے عالمگیر ترین لاہور کے علاقے گلبرگ میں واقع اپنے گھر میں تھے، وہاں سے اطلاع ملنے پر پولیس پہنچی۔

پولیس حکام کے مطابق عالمگیر ترین نے خودکشی سے قبل ایک تحریر بھی چھوڑی ہے جس میں انہوں نے اپنی بیماری کا ذکر کیا ہے۔عالمگیر ترین غیر شادی شدہ تھے، ان کے دوستوں کے مطابق عالمگیر ترین کی عمر 63 سال تھی، ان کی منگنی ہوئی تھی اور وہ دسمبر میں شادی کرنے جا رہے تھے۔ملتان سلطانز کی جانب سے ٹوئٹرپر پوسٹ میں عالمگیر ترین کی موت پر دکھ اور افسوس کا اظہار کیا گیا ہے اور مداحوں سے درخواست کی گئی ہے کہ وہ ترین فیملی کی پرائیویسی کا خیال رکھیں