صدر نے آئینی مدت ختم ہونے پر ریاست پر خود کش حملے کا پلان بنایا، ایمل ولی خان

عارف علوی 2سالوں سے سرٹیفائیڈ چور کو بچانے کی کوششوں میں مصروف ہیں،پی ٹی آئی گند،ٹھکانے لگانا ہوگا،صدرکے خط پر صدراے این پی خیبرپختونخواکا ردعمل

بدھ 13 ستمبر 2023 22:00

پشاور(اُردو پوائنٹ اخبارتازہ ترین - این این آئی۔ 13 ستمبر2023ء) صدراے این پی خیبرپختونخوایمل ولی خان نے کہاہے کہ صدر نے آئینی مدت ختم ہونے کے بعد ریاست پر خودکش حملے کا پلان بنایا ہے،عارف علوی 2سالوں سے سرٹیفائیڈ چور کو بچانے کی کوششوں میں مصروف ہیں،بارہا کہہ چکا ہوں کہ پی ٹی آئی ایک گند ہے اور گند کو ٹھکانے لگانا ہوگا، پی ٹی آئی اوران کیساتھ جڑے لوگ ریاست کو نقصان پہنچانے کی کوشش کر رہے ہیں۔

صدر عارف علوی کے خط پر ردعمل میں صوبائی صدر اے این پی ایمل ولی خان نے کہاکہ صدر مملکت کا انتخابات کی تاریخ تجویز کرنا مذاق کے علاوہ کچھ نہیں،صدر نے آئینی مدت ختم ہونے کے بعد ریاست پر خودکش حملے کا پلان بنایا ہے،الیکشن کمیشن کے ہوتے ہوئے صدر کس حیثیت میں تاریخ کی تجویز دے رہے ہیں، یہودی لابی کا ایجنٹ ایک بار پھر پاکستان کوغیر مستحکم کرنے کیلئے سرگرم ہوگیا،اس ماحول میں صدرعارف علوی مارکیٹ کو عدم استحکام کی طرف لے جانا چاہتے ہیں۔

(جاری ہے)

ایمل ولی خان نے کہاکہ پی ٹی آئی اوران کے ساتھ جڑے لوگ ریاست کو نقصان پہنچانے کی کوشش کر رہے ہیں،اقتدار کھونے کے بعد ان کے ہوش بھی ٹھکانے نہیں رہے، آئی ایم ایف معاہدہ کو سبوتاژ کرنے کی کوشش کی جاری رہی ہے،دو صوبائی وزرائے خزانہ اور شوکت ترین کے آڈیو ثبوت موجود ہیں۔صوبائی صدراے این پی نے کہاکہ 9مئی کے واقعات میں تمام حدیں پار کی گئیں لیکن ابھی انہیں چین نہیں پڑ رہا،عارف علوی 2سالوں سے سرٹیفائیڈ چور کو بچانے کی کوششوں میں مصروف ہیں،بارہا کہہ چکا ہوں کہ پی ٹی آئی ایک گند ہے اور گند کو ٹھکانے لگانا ہوگا، صرف نیازی نہیں پرویز خٹک، محمود خان، سیف، مراد سعید اور ان کے چہیتوں کوٹھکانے لگایا جائے۔

ایمل ولی خان نے کہاکہ تمام قوتیں مل کر صدرعلوی کا مواخذہ کریں اورغیر آئینی اقدامات کو روکیں، ہم مطالبہ کرتے ہیں کہ الیکشن کمیشن آئینی ذمہ داریاں نبھاتے ہوئے انتخابات کی تاریخ دے۔