ایک منظم سازش سے بدامنی پیدا کرنے کی کوشش کی جا رہی ہے، شہباز شریف

یہ بس پر نہیں، پاکستان پر حملہ ہے، سکیورٹی فورسز کی طاقت سے قاتلوں کو عبرت ناک انجام تک پہنچائے گا سابق وزیرا عظم ،پاکستان مسلم لیگ (ن) کے صدر کاچلاس سے آنے والی بس پر فائرنگ کے واقعہ کی شدید مذمت

اتوار 3 دسمبر 2023 18:45

لاہور(اُردو پوائنٹ اخبارتازہ ترین - این این آئی۔ 03 دسمبر2023ء) سابق وزیراعظم و پاکستان مسلم لیگ (ن) کے صدر شہباز شریف نے چلاس سے آنے والی بس پر فائرنگ کے واقعہ کی شدید مذمت کرتے ہوئے شہدا ء کے اہل خانہ اور زخمیوں سے ہمدردی کا اظہار کیا ہے ۔ اپنے بیان میں شہباز شریف نے کہا کہ فائرنگ کرنے والے دہشتگردوں کو جلد گرفتار کیا جائے، یہ بس پر نہیں، پاکستان پر حملہ ہے، پورا پاکستان سکیورٹی فورسز کی طاقت سے قاتلوں کو عبرت ناک انجام تک پہنچائے گا۔

(جاری ہے)

شہباز شریف نے پاک فوج کے دو شہید جوانوں کو بھی خراج عقیدت پیش کرتے ہوئے کہا کہ ایک منظم سازش سے بدامنی پیدا کرنے کی کوشش کی جا رہی ہے، وزیراعظم نوازشریف کی پالیسی پر عمل درآمد نہ روکا جاتا تو دہشتگردی دوبارہ سر نہ اٹھاتی۔ انہوںنے کہا کہ اللہ کے فضل، قوم کے اتحاد اور سکیورٹی فورسز کی طاقت سے ارض پاک کو دہشتگردی کی ناپاکی سے پاک کریں گے، بس ڈرائیور نے بہادری و جرات کا مظاہرہ کرکے مسافروں کو بچانے کی کوشش کی، اس پر سلام پیش کرتے ہیں، شہباز شریف کی شہدا ء کے درجات کی بلندی، اہل خانہ کے لئے صبر اور زخمیوں کی جلد صحت یابی کی دعا کی۔