اعجاز چوہدری کی کاغذات نامزدگی مسترد کرنے کیخلاف درخواست خارج

لاہور ہائیکورٹ نے پی ٹی آئی رہنماء کے کاغذات نامزدگی مسترد کرنے کے خلاف درخواست خارج کی

ساجد علی اتوار 14 جنوری 2024 11:46

لاہور ( اُردو پوائنٹ اخبارتازہ ترین ۔ 14 جنوری 2024ء ) پاکستان تحریک انصاف کے رہنماء اعجاز چوہدری کی کاغذات نامزدگی مسترد کرنے کیخلاف درخواست خارج کردی گئی۔ میڈیا رپورٹس کے مطابق پی ٹی آئی کے ایک اور رہنماء اعجاز چوہدری کو بھی الیکشن لڑنے کی اجازت نہیں ملی کیوں کہ پی ٹی آئی کے رہنما اعجاز چوہدری کی کاغذات نامزدگی مسترد کرنے کے خلاف درخواست خارج کردی گئی ہے، لاہور ہائیکورٹ نے ان کی کاغذات نامزدگی مسترد کرنے کے خلاف درخواست خارج کی۔

ادھر الیکشن کمیشن آف پاکستان نے تحریک انصاف کے امیدواروں کو آزاد حیثیت میں انتخابی نشانات الاٹ کر دیئے، چیئرمین پی ٹی آئی بیرسٹرگوہر علی خان کو ’چینک‘ کا نشان الاٹ کیا گیا ہے، این اے 128 سے پی ٹی آئی کے سلمان اکرم راجہ کو ’ریکٹ’ کا نشان الاٹ کیا گیا ہے، این اے 129 سے پی ٹی آئی امیدوار میاں اظہر ’کرکٹ سٹمپ‘ کے نشان پر الیکشن لڑیں گے، پارٹی رہنما شہریارآفریدی کو ’بوتل‘ کے نشان پر الیکشن لڑنا ہوگا، شاندانہ گلزار کو ’پیالہ‘ اور مہر بانو قریشی کو ’چمٹا‘ کا انتخابی نشان دے دیا گیا۔

(جاری ہے)

بتایا گیا ہے کہ شوکت یوسفزئی کو ’ریکٹ‘ کا نشان ملا ہے، ملتان سے زین قریشی کو ’جوتے‘، ڈاکٹر ریاض لانگ کو ’راکٹ‘، لاہور سے عالیہ حمزہ ملک کو ’ڈائس‘، بھکر سے ثناء اللہ خان مستی خیل کو ’لیٹربکس‘ کا نشان ملا ہے، پرویزالہیٰ کی اہلیہ قیصرہ الہٰی ’فریج‘ کے نشان پر الیکشن لڑیں گی۔ معلوم ہوا ہے کہ ملتان سے ہی عامر ڈوگر کو ’کلاک‘ کا انتخابی نشان مل گیا، عرفان اللہ خان نیازی کو ’گھڑیال‘ کا نشان ملا ہے۔

تحریک انصاف کے امیدوار این اے 107 سے مہر ریاض فتیانہ کو کرسی، پی پی 123 آشفہ ریاض فتیانہ اور پی پی 124سے سیدہ سونیا علی رضا شاہ کو پیالہ کا نشان الاٹ کیا گیا ہے۔ بتایا جارہا ہے کہ این اے 122 سے تحریک انصاف کے اظہر صدیق کو ’میڈل‘ جبکہ لطیف کھوسہ کو الفابیٹ ’(K)‘ کا انتخابی نشان الاٹ مل گیا جبکہ این اے 123 سے پی ٹی آئی امیدوار افضال عظیم پاہٹ کو ’ریڈیو‘ کا نشان الاٹ کیا گیا ہے این اے 124 سےپی ٹی آئی امیدوار سردار عظیم اللہ کو ’گھڑی‘ اور ضمیر احمد کو ’ڈولفن‘ کا نشان الاٹ کیا گیا، این اے 125 سے پی ٹی آئی امیدوار جمیل اصغر بھٹی کو ’ڈھول‘ کا نشان مل گیا۔