آئندہ 24گھنٹوں کے دوران بالائی خیبر پختونخوا، کشمیر، گلگت بلتستان، اسلام آباداور خطہ پوٹھوہار میں تیز ہواوں اور گرج چمک کے ساتھ مزیدبارش اور پہاڑوں پر برفباری کا امکان ہے،ملک کے دیگر علاقوں میں موسم سرد اور خشک رہے گا، محکمہ موسمیات

اسلام آباد (اُردو پوائنٹ اخبارتازہ ترین - اے پی پی۔ 02 مارچ2024ء) آئندہ 24گھنٹوں کے دوران بالائی خیبر پختونخوا، کشمیر، گلگت بلتستان، اسلام آباداور خطہ پوٹھوہار میں تیز ہواوں اور گرج چمک کے ساتھ مزیدبارش اور پہاڑوں پر برفباری کا امکان ہے،ملک کے دیگر علاقوں میں موسم سرد اور خشک رہے گا۔محکمہ موسمیات نے خیبرپختونخوا، کشمیر، مری، گلیات اور اسلام آباد/راولپنڈی کے برساتی/مقامی ندی نالوں میں طغیانی کا خدشہ جبکہ مری، گلیات، ناران، کاغان، دیر، سوات، چترال ،کوہستان، مانسہرہ، ایبٹ آباد، شانگلہ، استور، ہنزہ، اسکردو، وادی نیلم، باغ، پونچھ اور حویلی میں شدید بارش / شدید برفباری سے رابطہ سڑکیں بند ہونے کا خدشہ ظاہر کیا ہے۔

اس دوران بالائی خیبر پختونخوا، مری، گلیات، کشمیر اور گلگت بلتستان میں لینڈسلائیڈنگ کا بھی خدشہ۔

(جاری ہے)

آندھی/جھکڑ / گرج چمک اور تیز بار ش کے باعث کمزور انفرا سٹرکچر ( بجلی کے کھمبے،گاڑیوں سولر پینل وغیرہ)کو نقصان کا اندیشہ ہے۔ ہفتہ (رات) خیبر پختونخوا، اسلام آباد، کشمیر، گلگت بلتستان، بالائی پنجاب اورشمالی بلوچستان میں بیشتر مقامات پر آندھی/جھکڑ چلنے اور گرج چمک کے ساتھ مزیدبارش اور پہاڑوں پر شدید برفباری کا امکان ۔

اس دوران بالائی خیبر پختونخوا، اسلام آباد، بالائی پنجاب، کشمیر اور گلگت بلتستان میں کہیں کہیں پر موسلا دھار بارش/چند مقامات پر ژالہ باری کی توقع ہے۔گذشتہ 24 گھنٹوں کے دوران خیبرپختونخوا، کشمیر، اسلام آباد، پنجاب، گلگت بلتستان اوربلوچستان میں تیز ہوائوں اورگرج چمک کے ساتھ بارش جبکہ چند مقامات پرموسلادھاربارش اورژالہ باری جبکہ پہاڑی علاقوں میں برف باری ہوئی۔

سب سے زیادہ بارش خیبر پختونخوا، دیر (لوئر 120، بالائی 91)، سیدو شریف 90، مالم جبہ 88، مردان 77، چترال 75، چراٹ 62، پشاور (سٹی، 58،ائرپورٹ42)، پٹن 56، باچا خان ائرپورٹ 54، کاکول 46، میرکھانی 45، بالاکوٹ 42، دروش 34، کالام 30، پاراچنار 12، ڈی آئی خان( ائرپورٹ 06، سٹی 02)، بنوں01، کشمیر: راولاکوٹ 81، گڑھی دوپٹہ 62، مظفرآباد (شہر 53، ائرپورٹ 42)، کوٹلی 43، پنجاب: مری 34، اسلام آباد (سید پور 28، زیرو پوائنٹ 26، گولڑہ 19، بوکرا 18، ائرپورٹ 06)، راولپنڈی (شمس آباد 21، چکلالہ 18)، فیصل آباد 17، نارووال، جوہر آباد،جہلم 13، سیالکوٹ (ائرپورٹ 11، سٹی 04)، چکوال، لیہ، کوٹ ادو 10، اٹک، منگلا 09، لاہور (ائرپورٹ 07، سٹی 04)، منڈی بہاالدین 07، سرگودھا، ڈی جی خان ،نور پور تھل، قصور ، گوجرانوالہ 06، گجرات 05، جھنگ 04، شیخوپورہ، ساہیوال 03، اوکاڑہ، بھکر 02، ملتان، خانیوال، حافظ آباد 01، گلگت بلتستان: ہنزہ 34، استور 33، چلاس 25، بونجی 20، بگروٹ 22، سکردو 17، گلگت 09، گوپس 08،بلوچستان: کوئٹہ، ژوب، سبی، بارکھان 02، سمنگلی اور دالبندین میں 01ملی میٹر بارش ریکارڈ کی گئی۔

کالام: 10،مالم جبہ 06، چترال ، میرکھانی 04،ہنزہ،ا سکردو03اوردروش میں 01 انچ برفباری ریکارڈ ہوئی۔ہفتہ کوریکارڈ کیے گئے کم سے کم درجہ حرارت : قلات منفی 07، لہہ، کوئٹہ منفی 05، میر کھانی ،کا لام منفی 04،گوپس منفی 03 اوراسکردو میں منفی 02سینٹی گریڈ ریکارڈ کیا گیا۔