ایوان بالا(سینیٹ )سے آج 52ارکان ریٹائرڈ ہو جائیں گے

اسلام آباد(اردو پوائنٹ اخبارتازہ ترین۔11 مارچ2024 ء) ایوان بالا(سینیٹ )سے آج 52ارکان ریٹائرڈ ہو جائیں گے،پیپلزپارٹی کے 12،مسلم لیگ ن کے 13،پی ٹی آئی کے 8،متحدہ قومی موومنٹ کے 2،جمعیت علماءاسلام (ف)کے 2،جماعت اسلامی کا ایک ،پشتونخواہ میپ کے 2،نیشنل پارٹی کے 2،بلوچستان عوامی پارٹی کے 6اور مسلم لیگ فنکشنل لیگ کا ایک رکن ریٹائرڈ ہو نگے۔پنجاب سے ریٹائر ہونے والے سینٹرز میں اسحاق ڈار اور شہزاد وسیم کے علاوہ ڈاکٹر آصف کرمانی، رانا محمود الحسن، مصدق ملک، شاہین خالد بٹ، ولید اقبال، حافظ عبدالکریم ، نذہت صادق، سیمی ایزدی، کامران مائیکل شامل ہیں۔

رانا مقبول کی نشست ان کے انتقال کے باعث خالی ہو گئی تھی جبکہ سندھ سے ریٹائرڈ ہونے والے سینیٹر میں رضا ربانی، امام دین شوقین، مولا بخش چانڈیو، سید محمد علی شاہ جاموٹ، فروغ نسیم، مظفر شاہ، وقار مہدی، خالدہ سکندر میندرو، رخسانہ زبیری، کیشو بائی، قرت العین مری اور انور لعل دین شامل ہیں۔

(جاری ہے)

خیبر پختونخوا سے ریٹائر ہونے والے سینٹرز میں بہرمند خان تنگی، فیصل جاوید ، فدا محمد، پیر صابر شاہ ، طلحہ محمود، مشتاق احمد، دلاور خان، اعظم سواتی، مہر تاج روغانی اور دوبینہ خالد شامل ہیں۔

شوکت ترین کی نشست استعفیٰ کے بعد پہلے ہی خالی ہو چکی ہے۔بلوچستان سے ریٹائر ہونے والے 11سینیٹرز میں چیئرمین سینیٹ صادق سنجرانی، احمد خان، مولوی فیض محمد، کہدا بابر، محمد اکرم، شفیق ترین، طاہر بزنجو، نصیب اللہ بازئی، عابدہ عظیم اور ثنا جمالی شامل ہیں۔فاٹا انضمام کے بعد سینیٹ میں بقایہ فاٹا کے 4 آزاد سینٹرز کی مدت مکمل ہونے کے بعد سینیٹ سے فاٹا نشستیں ختم ہو جائیں گی۔ اسلام آباد سے 2 سینٹرز اسد جونیجو اور مشاہد حسین سید ریٹائر ہو جائیں گے۔اسی طرح فاٹا سے 4 سینیٹرز ہدایت اللہ خان، ہلال الرحمان، شمیم آفریدی اور ڈپٹی چیئرمین مرزا محمد آفریدی ریٹائر ہو جائیں گے۔