پی ٹی آئی مشاورت کے بعد انکوائری کمیشن کی تشکیل کو چیلنج کرے گی

اسلام آباد ( اُردو پوائنٹ اخبارتازہ ترین ۔ 30 مارچ 2024ء ) پاکستان تحریک انصاف کے مرکزی رہنماء شیر افضل مروت نے کہا ہے کہ پی ٹی آئی مشاورت کے بعد انکوائری کمیشن کی تشکیل کو چیلنج کرے گی، حکومت نے انکوائری کمیشن کیلئے جسٹس ر تصدق جیلانی کے نام کا اعلان کیا ہے، تصدق جیلانی 6 ججز کے خط کی تحقیقات کا کام انجام دینے والا سب سے مس فٹ شخص ہے۔ انہوں نے ایکس پر اپنے ردعمل میں کہا کہ حکومت نے جسٹس (ر) تصدق حسین جیلانی کو ڈھونڈ لیا، مسلم لیگ (ن) اور پی پی پی کی مخلوط حکومت نے فوری طور پر سنگل رکنی انکوائری کمیشن کے سربراہ کے طور پر جسٹس (ر) تصدق کے نام کا اعلان کیا ہے۔

انہوں نے کہا کہ مرحومہ محترمہ بے نظیر بھٹو نے انہیں 1994 میں جب وہ وزیر اعظم تھیں لاہور ہائی کورٹ کا جج بنا دیا۔

(جاری ہے)

سابق متنازعہ چیف جسٹس افتخار چوہدری نے انہیں 2013 میں قائم مقام چیف الیکشن کمشنر بنایا اور ان کی حکومت بننے کے بعد نواز شریف نے جسٹس تصدق کو چیف جسٹس آف پاکستان کے عہدے پر فائز کیا۔ وہ نگراں وزیر خارجہ جلیل جیلانی کے چچا اور سابق وزیراعظم یوسف رضا گیلانی کے دور کے رشتہ دار ہیں۔

قانونی حلقوں میں جسٹس جیلانی نے جنٹلمین جج کا لقب حاصل کیا ہے۔ ان کا سب سے متنازعہ عمل زرداری کے سوئس بینک اکاؤنٹس کی سماعت کرنے والے سپریم کورٹ کے بینچ کو چھوڑنا تھا، جس کے نتیجے میں بنچ ٹوٹ گیا۔ بہانہ بیماری کا تھا لیکن اسی شام اسے پی سی لاہور میں کافی پر گپ شپ کرتے ہوئے دیکھا گیا۔ وہ اعتدال پسند اور یقینی طور پر چھ ججوں کے خط کی تحقیقات کا کام انجام دینے والا سب سے مس فٹ شخص ہے۔

پی ٹی آئی مشاورت کے بعد کمیشن کی تشکیل کو چیلنج کرے گی۔ دوسری جانب پاکستان تحریک انصاف کے قائد عمران خان نے بیرسٹر گوہر، شیر افضل مروت اور بیرسٹر عمیر نیازی کو جیل ملاقاتوں کیلئے فوکل پرسن مقرر کردیا۔ تفصیلات کے مطابق سابق وزیراعظم عمران خان اور سپرنٹنڈنٹ اڈیالہ جیل کے درمیان جیل میں ملاقاتوں کے بارے میں ایس او پیز طے ہوچکے ہیں، دونوں فریقین نے ایس او پیز پر دستخط بھی کردیئے ہیں، جس کے تحت جیل ملاقاتوں کے لیے بانی چئرمین پی ٹی آئی نے تین فوکل پرسن مقرر کیے ہیں، جس کے تحت بیرسٹر گوہر علی خان، شیر افضل مروت اور بیرسٹر عمیر نیازی فوکل پرسن ہوں گے۔