بی بی آصفہ بھٹو زرداری جمہوریت اور انسانی حقوق کی موثر مضبوط آواز ثابت ہونگی،عامر عبدالغفار لون

منگل 2 اپریل 2024 13:30

مظفرآباد(اُردو پوائنٹ اخبارتازہ ترین - این این آئی۔ 02 اپریل2024ء) آزاد حکومت ریاست جموں وکشمیر کے وزیر ماحولیات عامر عبدالغفار لون نے عکس بینظیر آصفہ بھٹو زرداری کو حلقہ این اے 207 شہید بینظیر آباد سے بلامقابلہ ممبر قومی اسمبلی منتخب ہونے پر مبارکباد دیتے ہوئے کہا ہے کہ بی بی آصفہ بھٹو زرداری جمہوریت اور انسانی حقوق کی موثر مضبوط آواز ثابت ہونگی۔

ان خیالات کا اظہار انھوں نے میڈیا سے گفتگو کرتے ہوئے کیا انھوں نے مزید کہا کہ آصفہ بھٹو زرداری کی قومی اسمبلی میں موجودگی شہید محترمہ بینظیر بھٹو کی یاد تازہ کرتی رہے گی۔انھوں نے کہا کہ تاریخ کا معجزہ ہے چیئرمین پاکستان پیپلزپارٹی بلاول بھٹو زرداری کے روپ میں شہید ذوالفقار علی بھٹو اور آصفہ بھٹو زرداری کے روپ میں شہید محترمہ بینظیر بھٹو موجود ہونگے۔

(جاری ہے)

انھوں نے کہا کہ عوام کی خدمت کے لیے آصفہ بھٹو زرداری کی لگن اور عزم واقعی قابل تعریف ہے، ان جیسے لیڈروں سے پاکستان کا مستقبل روشن ہے آصفہ بھٹو زرداری کے بلا مقابلہ منتخب رکن قومی اسمبلی بننے سے واضح ہوتا ہے کہ سندھ کی عوام پیپلز پارٹی سے محبت کرتی ہے۔ان کا کہنا تھا کہ آصفہ بھٹو زرداری میں شہید بے نظیر بھٹو کی جھلک سمائی ہوئی ہے اور وہ جلد حلف اٹھا کر قومی اسمبلی میں مظلوم عوام کی آواز بن کر اُبھریں گی اپنے پیغام میں آخر میں عامر عبدالغفار لون نے جئے بھٹو کا نعرہ بھی لگایا۔