لاہور (اُردو پوائنٹ اخبارتازہ ترین - این این آئی۔ 12 اپریل2024ء) ڈپٹی سپیکر سندھ
اسمبلی انتھونی نوید سہوترا نے کہا ہے کہ ہمیں
پاکستان میں تحفظ نہیں، آئینی عہدوں میں شراکت داری چاہیے، پاکستانی اقلیتوں کو حقوق حاصل کرنے کے لیے قومی،صوبائی اسمبلیوں اور سینٹ جیسے آئینی اداروں کا حصہ بننا ہو گا اور اس ملک میںعزت اور اپنا وجود برقرار رکھنے کے لیے ہمیں
پیپلز پارٹی کا ساتھ دینا ہو گا۔
ان خیالات کا اظہار انہوں نے اپنے اعزاز میں پی پی اقلیتی ونگ وسطی
پنجاب کے نائب صدر ایڈون سہوترا کی طرف سے مریم نشاط کالونی میں منعقدہ تقریب سے بطور مہمان خصوصی خطاب کرتے ہویے کیا،اس موقع پر پاسٹر معظم ،پطرس سہوترا، خالد گل،عمران پال،ڈیوڈ سندھو ،جہانگیر کھوکھر،عاصم عدنان بھی موجود تھے۔
(جاری ہے)
تقریب سے اقلیتی رکن قومی اسمبلی نوید عامر جیوا، اسلم گل ،علی بدر اور خالد گل نے بھی خطاب کیا اس موقع پر سہوترا برادری کی طرف سے معزز مہمان خصوصی کی دستار بندی بھی کی گئی اور ان پر پھولوں کی پتیاں نچھاور کی گئیں۔
تقرئب سے خطاب کرتے ہوئے ڈپٹی سپیکر سندھ
اسمبلی نے مذید کہا کہ
پنجاب۔ میں مسیحیوں کی بڑی آبادی رھتی ہے مگر ہمیں اس کے لیے سیاسی جدوجہد تیز کرنا ہو گی،ایک
غریب کارکن کا ڈپٹی سپیکر کے عہدے پر بیٹھنا اسکی سیاسی معراج ہے
،پاکستان میں کسی غیر مسلم کا وزیر بننا کوئی بات نہیں مگر کسی آئینی عہدے پر یہ 75برس میں پہلی مرتبہ ہوا ہے ،سیاسی گھٹن اور ناامیدی کی فضا میں یہ فیصلہ تازہ ہوا کا جھونکا ہے،اقلیتی نوجوان اپنے سیاسی و
معاشی کردار سے بہت پریشان ہیں۔
شہید بھٹو خاندان ملک کی اقلیتی برادری کو کبھی مایوس نہیں کر سکتا،رکن
قومی اسمبلی نوید عامر جیوا نے کہا کہ پاکستان
پیپلز پارٹی ہی ہمیشہ پسے ہوئے طبقات کو بھر پور نمائندگی دیتی ہے
،شہباز بھٹی کو ماضی میں وفاقی وزیر بنایا سرکاری ملازمتوں میں 5فیصد کوٹہ اورسینٹ میں اقلیتوں کے لیے چار نشستیں
پیپلز پارٹی نے مخصوص کرائیں۔اسلم گل نے کہا کہ
پیپلز پارٹی میں جتنی عزت کسی اور کی ہے اتنی ہی ہمارے
مسیحی بھائیوں کی ہے،ہم ترقی تب کرینگے جب یہاں رہنے والی تمام اقوام کو ترقی کے مساوی مواقع ملینگے۔
انتھونی نوید اور عامر جیوا کو نمائندگی دینے پر چیئرمین
بلاول بھٹو اور صدر
آصف زرداری کا شکریہ ادا کرتے ہیں۔ایڈیشنل سیکرٹری جنرل علی بدر نے خطاب کرتے ہوئے کہا کہ خوشی ہے کہ ایک ورکر کو پارٹی قیادت نے ڈپٹی سپیکر سندھ
اسمبلی بنایا،انتھونی نوید اور عامر جیوا جیسے ورکر ز کی حوصلہ افزائی عام پارٹی کارکن کے لییباعث فخر ہے،چیئرمین
بلاول بھٹو نے اقلیتی برادری کا سر فخر سے بلند کر دیا ہے۔ایڈون سہوترا نے آخر میں کہا کہ ڈپٹی سپیکر انتھونی نوید،رکن
قومی اسمبلی عامر جیوا ،اسلم گل اور علی بدر کی آمد پر شکر گزار ہوں۔
