Live Updates

پیپلزپارٹی محنت کشوں کی جماعت ،حقوق کا تحفظ کرتی رہے گی ،سدرہ سعید بندیشہ

منگل 30 اپریل 2024 19:37

مکوآنہ (اُردو پوائنٹ اخبارتازہ ترین - این این آئی۔ 30 اپریل2024ء) پاکستان پیپلز پارٹی کی ٹکٹ ہو لڈر این اے 100 سدرہ سعید بندیشہ نے کہا ہے کہ پاکستان پیپلزپارٹی محنت کشوں کی جماعت ہے اس لیئے محنت کشوں کے حقوق کا تحفظ کرتی رہے گی آج بدترین مہنگائی کی وجہ سے محنت کش طبقہ معاشی بدحالی کا شکار ہے، انہوں نے کہا کہ پیپلز پارٹی کی حکومت نے وفاق میں بینظیر ایمپلائیز اسٹاک آپشن اسکیم کے تحت سرکاری صنعتی اداروں میں محنت کشوں کو شراکت دار بنایا تھا، پاکستان پیپلزپارٹی نے سرکاری ملازمین کی تنخواہوں اور ریٹائرڈ ملازمین کے پنشن میں ریکارڈ اضافہ کیا تھا، انہوںنے کہا کہ روٹی کپڑا اور مکان پیپلزپارٹی کا منشور ہے ہم قائد عوام ذوالفقار علی بھٹو شہید کے منشور پر عمل پیرا ہیں،۔

ملک کے تمام محنت کشوں کی حمایت سے پاکستان پیپلزپارٹی دوبارہ اقتدار میں آنے کے بعد محنت کشوں کی مشکلات کو ترجیحی بنیاد حل کریگی ملک کے تمام محنت کشوں سے کہا کہ وہ بلاول بھٹو زرداری کا ساتھ دیکر ان کے ہاتھ مضبوط کریں۔

(جاری ہے)

سدرہ سعید بندیشہ نے مزدوروں کے عالمی دن کے موقع پرمحنت کشوں،مزدوروں اور کسانوں کو خراج تحسین پیش کرتے ہوئے کہا پاکستان پیپلزپارٹی کے بانی چیئرمین قائد عوام ذوالفقار علی بھٹو شہید اور محترمہ بینظیر بھٹو شہید نے محنت کشوں کی ہمیشہ طرفداری کی تھی لیبر اصلاحات کے ذریعے مزدوروں سے ہونے والی ناانصافیوں کا ازالہ کیا تھا۔

پیپلز پارٹی کی ٹکٹ ہو لڈر این اے 100 سدرہ سعید بندیشہ نے کہا کہ چیئرمین پیپلزپارٹی بلاول بھٹو زرداری اپنے نانا شہید اور والدہ شہید کی طرح محنت کشوں کا ساتھ دینگے اور ان کے حقوق کا دفاع کریں گے۔