خیبرپختونخوا اور گلگت بلتستان کے چند مقامات پر گرج چمک کے ساتھ بارش کی پیشگوئی

جمعہ 25 اکتوبر 2024 23:06

اسلام آباد (اُردو پوائنٹ اخبارتازہ ترین - این این آئی۔ 25 اکتوبر2024ء) محکمہ موسمیات نے ملک کے چند علاقوں میں گرج چمک کے ساتھ بارش کی پیشگوئی کر دی۔محکمہ موسمیات کے مطابق ملک کے بیشتر علاقوں میں موسم خشک رہے گا تاہم شام/رات کو بالائی خیبر پختونخوا اور گلگت بلتستان میں مطلع جزوی ابر آلود رہنے کے علاوہ چند مقامات پر تیز ہواں اور گرج چمک کے ساتھ بارش ہو سکتی ہے۔

بیان کے مطابق اسلام آباد اور گرد و نواح میں موسم خشک رہنے کا امکان ہے۔

(جاری ہے)

بلوچستان اور پنجاب کے بیشتر اضلاع میں موسم خشک رہنے کا امکان ہے تاہم لاہور، شیخوپورہ، فیصل آباد اور گرد و نواح میں صبح کے اوقات میں سموگ /ہلکی دھند رہنے کی پیشگوئی کی گئی ہے۔سندھ کے بیشتر اضلاع میں بھی موسم گرم اور خشک رہنے کا امکان ہے، خیبر پختونخوا کے بیشتر اضلاع میں موسم خشک رہے گا تا ہم چترال، سوات اوردیر میں مطلع جزوی ابرآلود رہنے کے علاوہ تیز ہواں اور گرج چمک کے ساتھ بارش ہو سکتی ہے۔محکمہ موسمیات کے مطابق کشمیر میں موسم خشک رہنے کا امکان جبکہ گلگت بلتستان میں مطلع جزوی ابرآلود رہنے کے علاوہ چند مقامات پرتیز ہواں اور گرج چمک کے ساتھ بارش کی پیشگوئی کی گئی ہے۔