دونوں کمیٹیوں میں سنجیدہ لوگ ہیں مذاکرات آگے ضرور بڑھیں گے ، بیرسٹرگوہر

امید ہے کم سے کم وقت میں تمام مسائل کا نتیجہ خیز حل نکل آئے گا ، پر امید ہیں کہ اب مذاکراتی عمل شروع ہونے جارہا ہے، چیئرمین پی ٹی آئی

فیصل علوی پیر 23 دسمبر 2024 11:32

دونوں کمیٹیوں میں سنجیدہ لوگ ہیں مذاکرات آگے ضرور بڑھیں گے ، بیرسٹرگوہر

اسلام آباد(اردوپوائنٹ اخبار تازہ ترین۔ 23 دسمبر 2024)پاکستان تحریک انصاف کے چیئرمین بیرسٹر گوہر نے کہا ہے کہ حکومت اور پی ٹی آئی کے مذاکرات جامع اور نتیجہ خیز ہونے چاہیں، امید ہے کم سے کم وقت میں تمام مسائل کا نتیجہ خیز حل نکل آئے گا، دونوں کمیٹیوں میں سنجیدہ لوگ ہیں ، مذاکرات آگے ضرور بڑھیں گے،اپنے ایک بیان میں رہنماء پی ٹی آئی کا کہنا تھا کہ ہم حکومت کی جانب سے کمیٹی کے اعلان کا خیر مقدم کرتے ہیں، یہ خوش آئند بات ہے۔

پر امید ہیں کہ اب مذاکراتی عمل شروع ہونے جارہا ہے۔ حکومت کی جانب سے مذاکراتی کمیٹی کی تشکیل کا خیر مقدم کرتے ہیں امید ہے کم سے کم وقت میں تمام مسائل کا نتیجہ خیز حل نکل آئے گا۔ہم کمیٹی کی تشکیل کا عمل مثبت سمجھتے ہیں۔ وقت کی نزاکت دیکھتےہوئےمذاکرات کومثبت انداز سے آگے بڑھانا ہوگا۔

(جاری ہے)

ہم کمیٹی کی تشکیل کا عمل مثبت سمجھتے ہیں۔یاد رہے کہ پاکستان تحریک انصاف کی جانب سے عمر ایوب، اسد قیصر، سلمان اکرم راجہ، علی امین خان گنڈا پور اور صاحبزادہ حامد رضا کمیٹی میں شامل ہیں۔

پی ٹی آئی چیئرمین بیرسٹر گوہر نے سپیکر قومی اسمبلی سردارایاز صادق سے مذاکرات کیلئے اپنا کردار ادا کرنے کی استدعا کی تھی۔ قبل ازیں وزیراعظم شہباز شریف نے تحریک انصاف سے مذاکرات کیلئے حکومتی اتحاد کے ممبران پر مشتمل کمیٹی تشکیل دی تھی۔ وزیراعظم شہباز شریف نے پی ٹی آئی سے مذاکرات کیلئے حکومتی اتحاد پر مشتمل مذاکراتی کمیٹی تشکیل دیتے ہوتے ممبران کے ناموں کا اعلان کیا تھا۔

بتایا گیا تھا کہ وزیراعظم کی تشکیل کردہ کمیٹی میں نائب وزیراعظم اسحاق ڈار، رانا ثنا اللہ خان، سینیٹر عرفان صدیقی کے نام شامل تھے جبکہ کمیٹی میں راجہ پرویز اشرف، نویدقمر، خالد مقبول صدیقی، علیم خان اور چوہدری سالک حسین کو بھی شامل کیا گیا تھا۔ وزیراعظم نے حکومتی اتحاد کی کمیٹی سپیکر قومی اسمبلی سردار ایاز صادق کی تجویز پر بنائی تھی اور اس امید کا اظہار کیا ہے کہ مذاکرات میں ملکی سلامتی اور قومی مفاد کو مقدم رکھا جائے گا۔وزیراعظم شہباز شریف کا کہنا تھاکہ پاکستان ہے تو ہم سب تھے۔ان کا کہنا تھا کہ سپیکر قومی اسمبلی سردار ایاز صادق کی کاوش کو سراہتا ہوں۔