Live Updates

عمران خان کی سابقہ اہلیہ جمائما پہاڑی سے گر کر زخمی‘ ہسپتال منتقل

جمائما گولڈ سمتھ نئے سال کا جشن منانے اور چھٹیاں گزارنے کے لیے ان دنوں جنوبی افریقہ کے دورے پر گئی ہوئی تھیں

ساجد علی منگل 7 جنوری 2025 12:30

عمران خان کی سابقہ اہلیہ جمائما پہاڑی سے گر کر زخمی‘ ہسپتال منتقل

لندن ( اُردو پوائنٹ اخبارتازہ ترین۔ 07 جنوری2025ء ) پاکستان تحریک انصاف کے بانی چیئرمین عمران خان کی سابقہ اہلیہ جمائما پہاڑی سے گر کر زخمی ہوگئیں جس کے باعث انہیں ہسپتال منتقل کردیا گیا۔ غیرملکی میڈیا کے مطابق سابق وزیراعظم عمران خان کی سابقہ اہلیہ جمائما گولڈ سمتھ نئے سال کا جشن منانے اور چھٹیاں گزارنے کے لیے ان دنوں جنوبی افریقہ کے دورے پر گئی ہوئی تھیں جہاں ان کے ساتھ یہ حادثہ پیش آیا، جمائما گولڈ سمتھ جنوبی افریقہ کے شہر کیپ ٹاؤن میں ہائیکنگ کے دوران پہاڑ سے گر کر زخمی ہوئیں، وہ کیپ ٹاؤن میں لائن ہیڈ نامی پہاڑ کی چوٹی تک پہنچنے کی مہم کے دوران پھسل گئیں، جس کے بعد جمائما گولڈ سمتھ کو فوری طور پر مقامی ہسپتال لے جایا گیا جہان انہیں طبی امداد دی گئی۔

بتایا گیا ہے کہ ڈاکٹروں نے جمائما کی حالت اب مستحکم بتائی ہے، تاہم اس حادثے کے باعث جمائما کے پاؤں اور ٹخنوں پر چوٹیں آئیں، 50 سالہ جمائما نے نے اپنے سوشل میڈیا اکاؤنٹ پر تصاویر پوسٹ کیں جس میں انہیں وہیل چیئر پر اپنے زخمی پاؤں اور ٹخنے پر خصوصی بوٹ پہنے ہوئے دیکھا جاسکتا ہے۔

(جاری ہے)