Live Updates

شیخ وقاص نے افغان مجاہدین کو اسلحہ سپلائی کرکے کیریئر کا آغاز کیا، فواد چوہدری

سلمان اکرم نے نواز شریف سے کروڑوں روپے فیس لی، سلمان اکرم راجا پاناما سے لے کر حدیبیہ تک ہر گندے کام میں معاون اور پارٹنر رہے، بیان فواد چوہدری نے شعیب شاہین کو نہیں پوری تحریک انصاف کے منہ پر تھپڑ مارا ہے،فواد پارٹی کا حصہ نہیں، سیاسی کمیٹی پی ٹی آئی

پیر 17 فروری 2025 21:40

اسلام آباد (اُردو پوائنٹ اخبارتازہ ترین - این این آئی۔ 17 فروری2025ء)سینئر سیاستدان بیرسٹر فواد چوہدری نے الزام عائد کیا ہے کہ پاکستان تحریک انصاف کے رہنما شیخ وقاص اکرم نے پوری پختونخوا حکومت بیچ دی، بانی کو بتایا گیا کہ ملائیشیا میں اربوں روپے کی پیمنٹ کی، مصدق عباسی معاملے کی تحقیقات کر رہے ہیں۔فواد چوہدری نے سماجی رابطوں کی ویب سائٹ پر پیغام میں الزام عائد کیا کہ سلمان راجا، شیخ وقاص اور رؤف حسن جعلی اکاؤنٹس چلوا رہے ہیں، جنہوں نے عمران خان اور پارٹی کو شدید نقصان پہنچایا۔

انہوں نے کہا کہ شیخ وقاص اکرم نے افغان مجاہدین کو اسلحہ سپلائی کرنے کے دھندے سے کیریئر کا آغاز کیا، شیخ وقاص نے پرویز مشرف، پرویزالہٰی، فریال تالپور، حمزہ شہباز سے پیسے بٹورے۔

(جاری ہے)

انہوں نے لکھا کہ شیخ وقاص اکرم اب تحریک انصاف کی فنڈنگ، صوبائی بجٹ پر عیش کر رہے ہیں، فراڈ کا اندازہ لگائیں کہ پی ٹی آئی میں سیکریٹری جنرل منتخب عہدہ ہے۔

فواد چوہدری نے کہا کہ سلمان اکرم راجا خود کو سیکریٹری جنرل کہہ کر فنڈز لے رہے ہیں، سلمان اکرم نے نواز شریف سے کروڑوں روپے فیس لی، سلمان اکرم راجا پاناما سے لے کر حدیبیہ تک ہر گندے کام میں معاون اور پارٹنر رہے۔انہوں نے کہا کہ سیاسی کمیٹی کے تیسرے رکن رؤف حسن ہیں جو ساری عمر تنخواہ دار ایجنٹ رہے ہیں، رؤف حسن نے 5 کروڑ روپے سے زائد رقم پی ٹی آئی سے تنخواہ کے طور پر وصول کرلی، آخر انقلاب مفت تو نہیں آتا دوسری جانب پاکستان تحریک انصاف کی سیاسی کمیٹی نے کہا کہ فواد چوہدری نے شعیب شاہین کو نہیں پوری تحریک انصاف کے منہ پر تھپڑ مارا ہے۔

پی ٹی آئی کی سیاسی کمیٹی نے شعیب شاہین سے اظہار یکجہتی کرتے ہوئے کہا کہ فواد چوہدری کا حملہ ایک مجرمانہ اقدام ہے اور ماضی میں بھی ایسیکئی واقعات فواد چوہدری سے منسوب ہیں۔رہنما پی ٹی آئی شوکت یوسف زئی نے دوٹوک الفاظ میں واضح کردیا کہ اب تک فواد چوہدری پی ٹی آئی میں شامل نہیں، پی ٹی آئی میں اختلافات نہیں ہیں، پارٹی میں کسی کے آنے یا ناراض ہونے سے کوئی فرق نہیں پڑتا۔