دی ہیگ ہالینڈ نی85واں یوم پاکستان روایتی جوش و جذبے کے ساتھ منایا

ننکانہ صاحب(اُردو پوائنٹ اخبارتازہ ترین - این این آئی۔ 26 مارچ2025ء)سفارتخانہ پاکستان، دی ہیگ ہالینڈ نے 85 واں یوم پاکستان روایتی جوش و جذبے کے ساتھ منایا، پاکستان ہاس میں پرچم کشائی کی تقر یب کا انعقاد کیا گیا،جس میں نیدرلینڈز کے مختلف علاقوں سے پاکستانی کمیونٹی کے افراد نے بڑی تعداد میں شرکت کی،پرچم کشائی کی باقاعدہ تقریب کا آغاز تلاوت قران پاک سے حضرت مولانا علامہ افتخار حسین شاہ نے کیا، سٹیج سیکرٹری کے فرائض فرسٹ سیکرٹری محمد جنید نے ادا کئے،قومی ترانے کی دھن پرچارج ڈی افیئرز جمال ناصر نے پرچم کشائی کی، اس موقع پر صدر، پاکستان آصف علی زرداری،وزیراعظم پاکستان میاں محمد شہباز شریف اور نائب وزیراعظم/وزیر خارجہ اسحاق ڈار کے خصو صی پیغامات پڑھ کر سنائے گئے،چارج ڈی افیئرز نے اپنے خطاب میں پاکستانی کمیونٹی کو اس موقع پر مبارکباد دی اور اس دن کی اہمیت پر روشنی ڈالی، انہوں نے پاکستا ن کی تاریخ اور جیو سٹریٹجک محل وقوع سے اس کی علاقائی اور عالمی اہمیت کو اجاگر کیا، انہوں نے پاکستان اورنیدرلینڈز کے تعلقات کے بارے میں بتایا اور گزشتہ سات دہائیوں کے دوران حاصل کی گئی اہم کامیابیوں پر روشنی ڈالی، انہوں نے دوطرفہ تعلقات کو نئی بلندیوں تک لے جانے کے عزم کا اعادہ کیا، انہوں نے کشمیریوں کو غیر قانونی بھارتی قبضے سے حق خودارادیت کیلئے ان کی منصفانہ اور جائز جدوجہد میں خراج تحسین بھی پیش کیا،چارج ڈی افیئرز نے پاکستانی کمیونٹی کے فعال کردار کو سراہا، انہوں نے کمیونٹی ممبران پر زور دیا کہ وہ پاکستان اور نیدرلینڈز کے تعلقات کے فروغ میں اپنا تعمیری کردار ادا کرتے رہیں،اس تقریب میں سیاسی سماجی اور کاروباری شخصیات سمیت ایک بہت بڑی تعداد اوورسیز کمونٹی نے شرکت کی جن میں سینیئر صحافی کشمیر پیس فورم کے جنرل سیکرٹری راجہ فاروق حیدر،سینئر صحافی محمد جاوید اقبال کھو کھر،حاجی مشتاق احمد،سہیل احمد،پاکستان مسلم لیگ ن اوورسیز ہالینڈ کے چیئرمین پیر سیدا قرار شاہ،صدر چوہدری پرویز علی سندیلہ،چوہدری فیصل منظور جنرل سیکرٹری مسلم لیگ نون ہالینڈ،عبدالباسط خان،سید رضوان احمد،سید اعجاز حسین سیفی سمیت بڑی تعداد میں شرکت کی، تقریب کا اختتام پاکستان کی خوشحالی، سلامتی اور معاشی استحکام کے لیے خصوصی دعا مولانا منیب الرحمن نے کی۔