رمضان ریلیف،کوئٹہ کے 200 خاندانوں میں راشن تقسیم

بدھ 26 مارچ 2025 18:10

کوئٹہ(اُردو پوائنٹ اخبارتازہ ترین - این این آئی۔ 26 مارچ2025ء)چین پاکستان یوتھ ایکسچینج کمیونٹی (سی پی وائی ای سی) کی جانب سے رمضان المبارک کے جذبے کے تحت کوئٹہ بھر میں 200 غریب خاندانوں میں راشن تقسیم کیا گیا، اس سے مقدس مہینے کے دوران خوراک کی قلت پر قابو پانے میں مدد ملی۔گوادر پرو کے مطابق ہر امدادی پیکج میں چاول، آٹا، کھانا پکانے کا تیل، پھلیاں، چینی اور پاڈر دودھ کے دو ڈبے شامل تھے جو ایک مہینے تک چھ افراد کی فیملی کا پیٹ پالنے کے لیے کافی تھے۔

اس اقدام کا مقصد بلوچستان میں کمزور برادریوں کی مدد کرنا ہے۔ گوادر پرو کے مطابق رضاکار ٹیم کے سربراہ ما بن نے کہا ہے کہ کسی کو بھی بھوکا نہیں رہنا چاہیے، خاص طور پر رمضان میں۔ اس سال ہم نے گلگت بلتستان، اسلام آباد، راولپنڈی، گوجرانوالہ اور سندھ میں 1800 خاندانوں تک رسائی کے لیے اپنی کوششوں کو وسعت دی ہے۔

(جاری ہے)

ہمارے کمیونٹی باورچی خانے بھی روزانہ سینکڑوں لوگوں کی خدمت کرتے ہیں، جن میں یتیم اور ضرورت مند بھی شامل ہیں۔

گوادر پرو کے مطابق خوراک کی تقسیم کے ساتھ ساتھ پاکستان کمیونٹی کچن انیشی ایٹو اسلام آباد میں 200، سندھ میں 600 اور رمضان کے دوران 9 یتیم خانوں کے لئے باقاعدگی سے رات کا کھانا فراہم کیا جاتا ہے۔ گوادر پرو کے مطابق مقامی لوگوں نے ان کا تہہ دل سے شکریہ ادا کیا۔ کوئٹہ سے تعلق رکھنے والے ایک مستفید بلال نے کہا کہ مشکل وقت میں اس طرح کی مہربانی ہمیں امید دیتی ہے۔گوادر پرو کے مطابق چین پاکستان یوتھ ایکسچینج کمیونٹی (سی پی وائی ای سی)نے پاکستان میں جاری انسانی ہمدردی کے پروگراموں کے ایک حصے کے طور پر امدادی کوششوں میں تعاون کیا۔ رمضان کے جاری رہنے کے ساتھ ہی آرگنائزر نے پاکستان بھر میں غریب خاندانوںکے ساتھ یکجہتی کو مضبوط بنانے کے لئے مزید تعاون کا وعدہ کیا۔

Facebook Twitter Google + Share on Whatsapp

رمضان ریلیف،کوئٹہ کے 200 خاندانوں میں راشن تقسیم

متعلقہ عنوان :

مزید قومی خبریں