بالائی خیبر پختونخوا، خطہ پوٹھوہار، گلگت بلتستان اور کشمیر میں چند مقامات پر تیز ہوائوں اور گرج چمک کے ساتھ بارش کا امکان

جمعرات 27 مارچ 2025 19:23

اسلام آباد (اُردو پوائنٹ اخبارتازہ ترین - اے پی پی۔ 27 مارچ2025ء) آئندہ چوبیس گھنٹوں کے دوران بالائی خیبر پختونخوا، خطہ پوٹھوہار، گلگت بلتستان اور کشمیر میں چند مقامات پر تیز ہوائوں اور گرج چمک کے ساتھ بارش کا امکان ہے۔ محکمہ موسمیات کے مطابق اس دوران کشمیر میں چند مقامات پر موسلادھار بارش کی بھی توقع ہے۔ ملک کے دیگر علاقوں میں موسم خشک رہنے کا امکان ہے۔

رپورٹ کے مطابق گذشتہ 24 گھنٹوں کے خیبر پختونخوا، گلگت بلتستان، کشمیر اور بالائی پنجاب میں تیز ہوائوں /آندھی اور گرج چمک کے ساتھ بارش اور چند مقامات پر ژالہ باری جبکہ بالائی خیبر پختونخوا میں چند مقامات پر موسلادھار بارش بھی ہوئی ہے تاہم ملک کے دیگر علاقوں میں مو سم خشک رہا۔گزشتہ چوبیس گھنٹوں کے دوران سب سے زیادہ بارش میر کھانی میں 63، دیر (بالائی 62، زیریں 37)، چترال 62، دروش 50 ، سیدو شریف 29، مالم جبہ 25، کالام 23، چراٹ 18، مردان 15، پشاور (باچا خان ایئرپورٹ 14، سٹی 7)، رسالپور 6، پٹن، بالاکوٹ 4، کاکول، بنوں 2، ڈیرہ اسماعیل خان ایک، استور 44، سکردو 7، گلگت 6، گو پس 3، چلاس، بگروٹ 2، بونجی ایک، راولاکوٹ 13، مظفر آباد (ایئرپورٹ 6، سٹی 4)، گڑھی دوپٹہ 2، کوٹلی ایک، اٹک 12، کامرہ 11، مری، لیہ 7، بھکر 6، میانوالی 3، منگلا، منڈی بہائوالدین اور جہلم میں بھی ایک ملی میٹر بارش ریکارڈ کی گئی۔

(جاری ہے)

اس دوران چترال اور کالام میں 2 انچ برف باری بھی ریکارڈ کی گئی۔ جمعرات کو ریکارڈ کئے گئے زیادہ سےزیادہ درجہ حرارت کے اعدادوشمار کے مطابق مٹھی اور بہاولنگر میں درجہ حرارت 36 ڈگری سینٹی گریڈ ریکارڈ کیا گیا ہے۔