گورنر خیبرپختونخوا فیصل کریم کنڈی کی پاکستان پیپلز پارٹی کے انٹراپارٹی انتخابات میں کامیاب ہونے والے نومنتخب عہدیداران کو مبارکباد

ہفتہ 12 اپریل 2025 22:26

اسلام آباد (اُردو پوائنٹ اخبارتازہ ترین - اے پی پی۔ 12 اپریل2025ء) گورنر خیبرپختونخوا فیصل کریم کنڈی نے پاکستان پیپلز پارٹی کے انٹراپارٹی انتخابات میں کامیاب ہونے والے نومنتخب عہدیداران کو دل کی گہرائیوں سے مبارکباد پیش کی ہے۔ ہفتہ کو یہاں جاری بیان کے مطابق انہوں نے چیئرمین بلاول بھٹو زرداری، سیکرٹری جنرل ہمایوں خان، سیکرٹری اطلاعات ندیم افضل چن اور سیکرٹری فنانس آمنہ پراچہ کو ان کی نئی ذمہ داریاں سنبھالنے پر نیک تمناؤں کا اظہار کیا۔

(جاری ہے)

گورنر فیصل کریم کنڈی کا کہنا تھا کہ پارٹی آئین کے تحت منعقدہ یہ انتخابات جمہوریت کی مضبوطی اور ادارہ جاتی استحکام کی عکاسی کرتے ہیں۔ انہوں نے امید ظاہر کی کہ نومنتخب قیادت پارٹی کو مزید فعال اور عوامی توقعات کے مطابق بنانے میں اہم کردار ادا کرے گی۔گورنر خیبرپختونخوا نے بلاول بھٹو زرداری کی قیادت پر مکمل اعتماد کا اظہار کرتے ہوئے کہا کہ ان کی ولولہ انگیز قیادت پارٹی کو مستقبل میں مزید کامیابیوں کی راہ پر گامزن کرے گی۔