اسرائیل کے مظالم کیخلاف ظالموں سے مظلوموںکو بچانے کا واحد راستہ جہاد ہے ،سربراہ پاکستان سنی تحریک

کراچی(اُردو پوائنٹ اخبارتازہ ترین - این این آئی۔ 20 اپریل2025ء)سربراہ پاکستان سنی تحریک محمدشاداب رضانقشبندی نے کہا ہے کہ اسرائیل کے مظالم کیخلاف ظالموں سے مظلوموںکو بچانے کا واحد راستہ جہاد ہے ،غزہ پر مظالم کی انتہا ہوگئی کھانے پینے کی امداد پر پابندی عالمی قوانین ، انسانی حقوق کی خلاف ورزی اسرائیل کا کھلا ظلم ہے ،اسلام دشمن قوتوں کو شکست دینا ہے تو اسلامی ممالک کوسودی نظام کو ختم اور جہاد فی سبیل اللہ کرنا ہوگا،مفتی اعظم پاکستان مفتی منیب الرحمن نے جہاد کا فتویٰ دے دیا اب ریاستکی ذمہ داری ہے وہ جہاد کا اعلان کرئے ،یہود ونصاری ٰ اسلامی ممالک کو معاشی طور پر کمزور کرنے کیلئے سودکو پروان چڑھانے کی سازشوں میں مصروف ہیں ،سود پر لین دین اور کاروبار کرنا حرام اور اور اس کے رسول سے جنگ کے مترادف عمل ہے ،اسلامی ممالک سود سے پاک معاشی نظام اور بینکنگ سسٹم وضع کریں ،اسرائیل و امریکہ کی معیشت کو کمزور کرکے یہود ونصاریٰ کے اسلام دشمن سازشوں کو ناکام بنایا جاسکتا ہے ،فلسطین وغزہ میں انسانیت سوز مظالم دیکھ کر انسانیت لرز گئی ہے انسانی حقوق کے علمبردار خاموش تماشائی بنے ہوئے ہیں،ان خیالات کا اظہار انہوں نے مرکز اہلسنت سے جاری ایک بیان میں کیا ،محمد شاداب رضا نقشبندی کا کہنا تھا کہ مسلم عصبیت اسلام مخالف جنونیت اسرائیل وامریکہ کے ناپاک چہرے بے نقاب ہوچکے ہیں ،اسرائیل کھلے عام نہتے فلسطینیوں پر بمباری کررہا ہے تو دوسری طرف امریکہ فلسطین سے مقامی افراد کو نکالنے کیلئے طاقت کا استعمال کررہا ہے ،اقوام متحدہ سلامتی کونسل انصاف کے قاتل ادارے بن گئے جو مسلمانوں پر مظالم پر خاموش اور یہودونصاری کیلئے تمام کاروائیاں کرتے ہیں ،غزہ میں انسانی حقوق کی پامالی نہتے فلسطینیوں پر بمباری ،اسپتالوں کو تباہ اور فلسطینیوں وغزہ کی چیخ کو پکار اقوام متحدہ کو کیوں دیکھائی نے دے رہی ،اسرائیل کو کوئی لگام دینے والا نہیں ہے فلسطین کے شہر اور گلیاں خون آلود ہیں جگہ جگہ مظلوموں کی نعشیں ہیں ،57اسلامی ممالک غیرت ایمانی کا مظاہرہ کریں فلسطین وغزہ کے مظلوم مسلمانوں کو ظالم اسرائیل سے بچانے کیلئے جہاد کا اعلان کریں۔