Live Updates

ح*سندھ طاس معاہدے کی معطلی خطے میں امن کیلئے سنگین خطرہ ہی: شرجیل میمن

۳ عالمی طاقتیں، اقوام متحدہ اور انسانی حقوق کی تنظیمیں میں اس سنگین خلاف ورزی کا نوٹس لیں، میڈیا سے گفتگو

جمعرات 24 اپریل 2025 18:25

-کراچی (اُردو پوائنٹ اخبارتازہ ترین - آن لائن۔ 24 اپریل2025ء) صوبائی وزیر شرجیل انعام میمن نے سندھ طاس معاہدے کو معطل کرنے کے بھارتی اقدام کی شدید مذمت کرتے ہوے اسی کھلی جارحیت اور خطے میں امن کیلئے سنگین خطرہ قرار دیا ہے ان کا کہنا تھا کہ عالمی طاقتیں، اقوام متحدہ اور انسانی حقوق کی تنظیمیں میں اس سنگین خلاف ورزی کا نوٹس لیں۔ میڈیا سے گفتگو کرتے ہوے انہوں نے کہا کہ سندھ طاس معاہدے کی معطلی کھلی جارحیت اور خطے میں امن کیلئے سنگین خطرہ ہے، بھارت کی جانب سے سندھ طاس معاہدے کو معطل کرنے کا اقدام انتہائی اشتعال انگیز اور غیر ذمہ دارانہ ہے، معاہدہ کی معطلی بین الاقوامی قوانین کی سنگین خلاف ورزی اور خطے میں جاری امن کی کوششوں کو سبوتاژ کرنے کی دانستہ کوشش ہے۔

انہوں نے کہا کہ بھارت ماضی میں بھی بین الاقوامی دوروں اور اہم مواقع پر فالس فلیگ آپریشنز کا سہارا لیتا آیا ہے تاکہ دنیا کی توجہ اصل مظالم اور ناانصافیوں سے ہٹائی جا سکے، صدر کلنٹن کے دورہ بھارت کے دوران بھی بھارت نے ایک فالس فلیگ آپریشن میں بے گناہ سکھوں کا خون بہایا۔

(جاری ہے)

ان کا کہنا تھا کہ آج ایک بار پھر پہلگام میں وہی پرانی چال دہرائی جا رہی ہے، پاکستان دہشتگردی کے خلاف عالمی مہم کا سب سے مؤثر اور متحرک حصہ رہا ہے، ہم نے دہشتگردی کے خلاف جنگ میں اپنے ہزاروں شہریوں اور سکیورٹی اہلکاروں کی جانوں کا نذرانہ پیش کیا ہے، اے پی ایس جیسے دلخراش سانحات سے لے کر بینظیر بھٹو شہید کی جان کا نذرانہ، ہماری قربانیوں کی طویل فہرست ہے۔

انہوں نے کہا کہ سندھ طاس معاہدے کی معطلی محض ایک آبی تنازعہ نہیں، یہ ایک واضح پیغام ہے کہ بھارت خطے میں طاقت کے زعم میں جنگ کی طرف بڑھ رہا ہے، پاکستان اس اشتعال انگیزی کو ہرگز برداشت نہیں کرے گا، بھارتی اقدام اخلاقی دیوالیہ پن کی علامت اور عالمی برادری کے منہ پر طمانچہ ہے، عالمی طاقتیں، اقوام متحدہ اور انسانی حقوق کی تنظیمیں میں اس سنگین خلاف ورزی کا نوٹس لیں۔