Live Updates

د*بھارت میں پاکستانی یوٹیوب چینلز کی بندش،ترجمان مرکزی مسلم لیگ کی مذمت

ح*پہلگام ڈرامہ،سندھ طاس نشانہ،مودی جو کر لے سچ نہیں چھپ سکتا،تابش قیوم

پیر 28 اپریل 2025 19:10

Gلاہور (اُردو پوائنٹ اخبارتازہ ترین - آن لائن۔ 28 اپریل2025ء) پاکستان مرکزی مسلم لیگ کے ترجمان تابش قیوم نے بھارتی حکومت کی جانب سے پاکستانی یوٹیوب چینلز بند کرنے کی مذمت کرتے ہوئے کہاہے کہ مودی سرکار جو کر لے سچ چھپ نہیں سکتا، پہلگام ڈرامے کے بعدنہ صرف بھارت سے ہی مودی سرکار کیخلاف آوازیں اٹھ رہی ہیں بلکہ پاکستانی میڈیا نے بھی بھارتی ڈرامے کو نہ صرف بے نقاب کیا بلکہ دنیا کو سچ دکھایا کہ مودی سرکار کے پہلگام ڈرامے کا مقصد پاکستان کیخلاف آبی جارحیت مسلط کرنا ہے۔

تابش قیوم کا کہنا تھا کہ دنیا کی سب سے بڑی جمہوریت کہلانے والے ملک بھارت نے آزادئ اظہارِ رائے کا گلا گھونٹنے میں کوئی کسر نہیں چھوڑی۔ پاکستانی میڈیا اور صحافیوں کے یوٹیوب چینلز پر پابندی لگا کر بھارت نے واضح کر دیا ہے کہ اس میں سچ سننے کی صلاحیت اور برداشت نہیں ہے، پہلگام واقعے کی حقیقت عوام کے سامنے لانے پر پاکستانی میڈیا کو نشانہ بنانا مودی سرکار کی بوکھلاہٹ اور فسطائی ذہنیت کا منہ بولتا ثبوت ہے۔

(جاری ہے)

دنیا کو یہ جان لینا چاہیے کہ جو حکومت سچائی سے اس قدر خوفزدہ ہو، وہ آزادئ اظہار اور جمہوریت کے دعوے کرنے کا کوئی حق نہیں رکھتی۔ تابش قیوم نے مزید کہا کہ مودی سرکار اپنی انتہا پسندی، اقلیت دشمنی اور انسانی حقوق کی پامالیوں پر پردہ ڈالنے کے بجائے سچ کا سامنا کرے۔ کشمیر میں ہونے والے مظالم اور بھارت کے اندر بڑھتی ہوئی آمریت کو دبانے کے لیے میڈیا پر پابندیاں لگانا نہ صرف قابلِ مذمت ہے بلکہ یہ بھارت کے جمہوری چہرے پر ایک اور بدنما داغ ہے۔ عالمی برادری بھارت کے اقدامات کا نوٹس لے۔