ًوطن عزیز کے دفاع کیلئے پو ری قوم پاک فوج کے شانہ بشانہ کھڑی ہی: علامہ ہشام الٰہی ظہیر

لاہور (اُردو پوائنٹ اخبارتازہ ترین - آن لائن۔ 29 اپریل2025ء) امیر جمعیت علمائے اسلام (س)مولانا عبد الحق ثانی کی سربراہی میں جامعہ حقانیہ اکوڑہ خٹک کے وفد نے جمعیت اہلحدیث پاکستان سیکرٹریٹ میں علامہ ہشام الہٰی ظہیر سے ملاقات کی۔وفد میں مولانا لقمان الحق ثانی، مولانا اٴْسامہ سمیع الحق، مولانا محمد احمد، مولانا اعظم حسین،غازی ظہیر الدین سمیت دیگرجبکہ جمعیت اہلحدیث کے چیئرمین علامہ طارق محمود یزدانی، حاجی ریاض احمد، قا ری شفیق الرحمن ربانی سمیت دیگر موجود تھے۔

راہنماؤں کا ملاقات میں سیاسی صورتحال، پاک بھارت کشیدگی،فلسطین میں اسرائیلی فسطائیت اور دینی جماعتوں کے اتحاد پر تبادلہ خیال ہوا۔ جمعیت اہلحدیث پاکستان کے صدر ڈاکٹر علامہ ہشام الہٰی ظہیر نے کہا فلسطین، کشمیر، وطن عزیز کے دفاع اسکے استحکام کیلئے پو ری قوم متحد ہو کر پاک فوج کے شانہ بشانہ کھڑی ہے۔

(جاری ہے)

فلسطین، اہل غزہ نے اپنی آزادی کیلئے لازوال قربانیاں دی ہیں پو ری امت مسلمہ کو انکی آواز بن کر عالمی سطح پر ا مقدمہ لڑنا چاہیے۔

پاکستانی عوام متحد ہوکر ہی بھارت، اسرائیل کی فسطائیت کا مقابلہ کر سکتے ہیں۔مینار پاکستان میں اتحاد اٴْمت قومی فلسطین کانفرنس کے موقع پر دینی جماعتوں کے اتحاد سے بڑی تقویت ملے گی۔ فلسطین، کشمیر اور دفاع پاکستان استحکام کیلئے جمعیت اہلحدیث پاکستان ہر فورم پر نمائندگی کرے گی۔ مولانا عبد الحق ثانی اور جامعہ حقانیہ اکوڑہ خٹک سے آئے دیگر مرکزی راہنماؤں نے ڈاکٹر علامہ ہشام الہٰی ظہیرکو انکی دینی، سیاسی، دفاع عظمت صحابہ کرامؓ، دفاع شعائر اللہ، دفاع مساجد و دینی مدارس، ختم نبوتؐ، تحفظ حٴْرمت رسولؐ پر خراج تحسین پیش کیا۔

اٴْن کا کہنا تھا ہمارے اور مولانا سمیع الحقؒ شہید کے شہید عالم اسلام امام العصر علامہ احسان الہٰی ظہیرؐ سے دیرینہ تعلقات تھے۔ علامہ احسان الہٰی ظہیر شہید کا شمار عالم عرب کے بلند خطباء میں ہو تا تھا۔ مولانا عبد الحق نے کہا اس وقت اٴْمت مٴْسلمہ بالخصوص پو ری پاکستانی قوم کو اتحاد یکجہتی کا عملی مظاہرہ کرتے ہوئے افواج پاکستان کے ساتھ قدم سے قدم ملا کر چلنا چاہئے۔

تمام سیاسی جماعتوں کو اپنے اختلافات ختم کرتے ہوئے سیاسی کشیدگی کو ختم کرنے کی ضرورت ہے۔ اٴْن کا مزید کہنا تھا دینی مدارس، فلسطین، کشمیر کاز پر بھی بین الاقوامی دباؤ طاری ہے پاکستان اسلام کا قلعہ ہے ہمارے بزرگوں نے وطن عزیز کے دفاع اس کے استحکام، قرآن و سنت کی با لا دستی کے لئے بڑی قربانیاں دی ہیں جنکو رائیگاں نہیں جانے دیا جانا چاہئے۔ پاکستان ہمارا قومی وطن ہے اس کی طرف میلی آنکھ سے دیکھنے والوں کی آنکھیں نکال دیں گے۔