Live Updates

بھارتی فوج کاپاکستانیوں کو فیک انکائونٹر میں استعمال کرنے کا منصوبہ

ان افراد کو مارنے کے بعد انہیں پاکستان کی طرف سے سرحد پار دہشت گرد قرار دیا جائے گا،ذرائع

ہفتہ 3 مئی 2025 17:14

بھارتی فوج کاپاکستانیوں کو فیک انکائونٹر میں استعمال کرنے کا منصوبہ

نئی دہلی (اُردو پوائنٹ اخبارتازہ ترین - این این آئی۔ 03 مئی2025ء)بھارتی فوج نے غیر قانونی اور جبرا حراست میں رکھے پاکستانیوں کو جعلی انکائونٹر میں استعمال کرنے کا منصوبہ بنالیا۔ میڈیارپورٹس کے مطابق سیکیورٹی ذرائع کا کہنا تھا کہ 56 پاکستانی بھارتی خفیہ ایجنسیوں کی غیر قانونی اور جبرا حراست میں ہیں، ان افراد کو مقبوضہ کشمیر کے مختلف علاقوں میں جعلی مقابلوں میں مارنے کا منصوبہ بنایا گیا ہے۔

(جاری ہے)

ذرائع کے مطابق مختلف جیلوں میں رکھے گئے ان افراد کو مارنے کے بعد انہیں پاکستان کی طرف سے سرحد پار دہشت گرد قرار دیا جائے گا۔ذرائع کا بتانا ہے کہ بھارتی میڈیا کو ان افراد کی لاشیں اور پلانٹڈ ہتھیار وغیرہ کی ویڈیوز اور تصویریں شیئر کی جائیں گی جس کے بعد بھارتی میڈیا روایتی طریقے سے ان افراد کو پاکستان سے آنے والا دہشت گرد ظاہر کرے گا۔ذرائع کے مطابق چند افراد سے میڈیا کے سامنے پاکستان مخالف بیانات اور اعترافِ جرم کے بیان بھی دلوائے جاسکتے ہیں۔ذرائع کا کہنا تھا کہ ڈی جی آئی ایس پی آر مختلف بھارتی جیلوں میں غیر قانونی طور پر قید پاکستانیوں کی تفصیلات پہلے ہی بتا چکے ہیں۔