بھارتی جارحیت کی شدید مذمت،شہری غیر ضروری طور پر گھروں سے باہر نہ نکلیں‘مریم نواز

افواہوں پر کان نہ دھریں، صرف سرکاری ذرائع سے معلومات لیں‘ وزیراعلیٰ مریم نوازشریف کی اپیل

بدھ 7 مئی 2025 20:03

بھارتی جارحیت کی شدید مذمت،شہری غیر ضروری طور پر گھروں سے باہر نہ نکلیں‘مریم ..

لاہور (اُردو پوائنٹ اخبارتازہ ترین - این این آئی۔ 07 مئی2025ء) وزیراعلیٰ پنجاب مریم نواز شریف نے بہاولپور پر بھارتی جارحیت کی شدید مذمت کی ہے۔ وزیر اعلیٰ مریم نوازشریف نے کہا کہ عوام پاک فوج کے شانہ بشانہ کھڑی ہیں، شروع بھارت نے کیا ختم ہم کریں گے۔ امن چاہتے ہیں، مگر عزت کے ساتھ،جنگ مسلط کی گئی تو پوری قوم ایک لشکر بنے گی۔

(جاری ہے)

وزیراعلیٰ مریم نوازشریف نے کہا کہ ریسکیو 1122، ضلعی انتظامیہ، اسپتالوں، اور دیگر متعلقہ اداروں کو ہنگامی بنیادوں پر الرٹ رہیں۔

شہری غیر ضروری طور پر گھروں سے باہر نہ نکلیں۔شہری دفاع (Civil Defence) کی ہدایات پر سختی سے عمل کریں۔وزیراعلیٰ مریم نوازشریف نے عوام سے اپیل کی ہے کہ افواہوں پر کان نہ دھریں، صرف سرکاری ذرائع سے معلومات لیں۔زخمیوں یا متاثرہ افراد کی اطلاع فوری قریبی ہسپتال یا ریسکیو ادارے کو دیں۔